हेटौँडा अस्पतालको बोर्ड केरमेट गरेका युवालाई नियन्त्रणमा लिएको भन्दै सपर्थकद्वारा प्रदर्शन

४ चैत, हेटौँडा । ३१ चैतमा हेटौँडा अस्पतालको बोर्ड तोडमोड गरेको घटनामा संलग्न रहेको अभियोगमा पक्राउ परेका ६ जना युवालाई विनाशर्त रिहा गर्नुपर्ने भन्दै समर्थकहरुले हेटौँडामा प्रदर्शन गरेका छन् । उनीहरुले जिल्ला प्रहरी कार्यलय मकवानपुर अगाडी पूर्वपश्चिम राजमार्ग अवरुद्ध गर्दै प्रदर्शन गरेका हुन् ।

घटनामा संलग्न रहेको अभियोगमा प्रहरीले हेटौँडाका सुनिल गिरी, सफल अधिकारी, विशाल राज महत, अस्मित अधिकारी, समुन्द्र दाहाल र राजकुमार घिमिरेलाई नियन्त्रणमा लिएको छ । उनीहरु आफै बिहीबार बिहान जिल्ला प्रहरी कार्यलय मकवानपुर पुगेको मकवानपुर प्रहरी प्रवक्ता श्यामु अर्यालले जानकारी दिए ।

६ जना युवाहरुले ३१ चैतमा हेटाँडा अस्पताललाई प्रतिष्ठानमा गाभ्न नहुने माग गर्दै अस्पतालको बोर्डमा केरमेट गरेर मदन भण्डारी प्रतिष्ठानको नाम हटाएका थिए । यस्तै उनीहरुले अस्पतालको बोर्डबाट प्रतिष्ठानको नाम हटाएर नयाँ बोर्ड समेत टाँसेका थिए । घटना लगत्तै प्रतिष्ठानले घटनामा संलग्नलाई कारवाही गर्न माग गर्दै विज्ञप्ती मार्फत प्रशासनको ध्यानाकर्षण गराएको थियो ।

घटनामा लंलग्नलाई पक्राउ गर्न प्रमुख जिल्ला अधिकारी स्कीम श्रेष्ठले आदेश गरेपनि उनीहरुलाई प्रहरीले भेटाउन सकेको थिएन । प्रहरीका अनुसार बोर्ड तोडमोड गरेर घटनामा संलग्न सबै फरार भएका थिए । प्रहरीले निरन्तर खोजतलाश गर्दा पनि फेला नपरेका उनीहरु बिहीबार बिहान जिल्ला प्रहरी कार्यलय आफै उपस्थित भएका थिए ।

जिल्ला प्रहरी कार्यलयमा छलपलका लागि उपस्थित भएका उनीहरुलई प्रहरीले नियन्त्रणमा लिएको भन्दै युवाका सर्थकहरुले विहीबार साँझ जिल्ला प्रहरी कार्यलय अगाडी पूर्वपश्चिम सडक खण्ड केहिबेर अवरुद्ध गर्दै नारावाजी गरेका थिए । उनीहरुले राजनीतिक दवावका कारण युवाहरुलाई पक्राउ गरिएको भन्दै तत्काल रिहा गर्न माग गरेका थिए ।

विरोधमा उत्रिएका युवाहरुले शुक्रबार १० बजेबाट विरोधका कार्यक्रमहरु सार्वजनिक गर्ने बताएका छन् । उनीहरुले पक्राउ परेकाहरुलाई निशर्त छोड्नुपर्ने माग गरेका छन् । यसैविच घटनामा संलग्न रहेको भनिएका छ जना युवामाथी मकवानपुर जिल्ला अदालत बाट ५ दिनको म्याद लिई अनुसन्धान थालिएको छ ।