१
१० वैशाख, हेटौँडा । सोमबार हेटौंडा उपमहानगरपालिकाभित्रको तीनवटा वडालाई जोड्ने दुईवटा कल्भर्ट पुल उद्घाटन गरिएको छ । हेटौँडा ६, ७ र ८ नम्बर वडामा बनेको कल्भर्ट पुल उद्घाटन गरिएको हो ।
दुईवटै कल्भर्ट पुलको हेटौँडा उपमहानगरपालिकाका प्रमुख मिनाकुमारी लामा र उपप्रमुख राजेश बानियाँले उद्घाटन गरेका हुन् । कल्भर्ट पुल हेटौँडा–नागस्वती–हटिया सडक खण्डअन्तर्गत हेटौँडा ६ र ७ जोड्ने हरियालीमा रहेको खहरे र वडा नम्बर ८ ओमनगरस्थित खहरेमाथि निर्माण गरिएको छ।
वडा नम्बर ६ र ७ जोड्ने ११ मिटर लम्बाइको पुल उपमहानगरपालिकाको एक करोड १९ लाख र वडा नम्बर ८ मा रहेको १४ मिटर लम्बाइको पुल प्रदेश सरकारको ८२ लाख ३ हजार ९८६ रुपैयाँको लागतमा निर्माण सम्पन्न भएको हो ।
लामो समयदेखि पुलको अभावमा वर्षायाममा समस्या खेप्दै आएका सर्वसाधारणलाई अब राहत हुने भएको छ । कल्भर्ट पुलको उद्घाटन गर्दै प्रमुख लामाले हेटौंडा उपमहानगरपालिकाले नगरको शिक्षा, स्वास्थ्यसँगै आवश्यकताको आधारमा विकास निर्माणलाई पनि प्राथमिकतामा राखेको बताइन् ।
Hetauda Live ले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
