१
१६ वैशाख, हेटौँडा । मकवानपुर प्रहरीले करिब ४ किलो अवैध लागूऔषध अफिमसहित एकजनालाई पक्राउ गरेको छ । पक्राउ पर्नेमा हेटौँडा उपमहानगरपालिका वडा नम्बर ११ थानाभ¥याङका ठाकुर सिं मोक्तान रहेका छन् ।
मकवानपुर प्रहरी प्रवक्ता श्यामु अर्यालका अनुसार मोक्तानलाई उनकै घरबाट पक्राउ गरिएको हो । विशेष सूचनाका आधारमा मोक्तानको घरमा पुगेको प्रहरी टोलीले उनलाई ३ कलिो ८६० ग्राम लागूऔषध अफिमसहित फेला पारेको थियो ।
जिल्ला प्रहरी कार्यलय मकवानपुरबाट खटिएको प्रहरी टोलीले मोक्तानको घर खानतलासी गर्दा उनी सुत्ने खाटमा उक्त परिमाणको लागूऔषध अफिम फेला परेको प्रवक्ता अर्यालले जानकारी दिए । प्रहरी नियन्त्रणमा रहेका मोक्तानलाई मकवानपुर जिल्ला अदालत हेटौँडाबाट लागूऔषध कसुर मुद्धामा ४ दिनको म्याद अनुमती लिई थप अनुसन्धान भइरहेको उनले बताए ।
Hetauda Live ले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
