१
२३ बैशाख, हेटौँडा । नेकपा ९माओवादी केन्द्र० का उपाध्यक्ष एवं पूर्व उपराष्ट्रपति नन्दकिशोर पुनले नेपालको राजनीतिमा दलाल र पुँजीपति हावी भएको आरोप लगाएका छन् । उलने दलाल पुँजीपतिहरुका कारण अहिले देशको अवस्था डामाडोल भएको दावी गरे ।
सोमबार हेटौँडामा भएको योङ कम्युनिष्ट लिग ९वाईसिएल० मकवानपुरको पाँचौ जिल्ला सम्मेलनमा बोल्दै उनले दुईतिहाईको सरकारको संरक्षण्का कारण दलाल पुँजीपतिहरुको हालीमुहाली र मनोबल उच्च भएको बताए । भ्रष्टाचारीहरुलाई कारबाही गर्नुको सट्टा वर्तमान सरकारले विभिन्न माध्यमबाट पुरस्कृत गरेको उनको दावी छ ।
‘भ्रष्टचारीहरुलाई कारवाही गर्नुको सट्टा सरकार आफै तिनको संरक्षणमा लागेको छ,’ उनले भने, ‘यस्तो लाग्छ वर्तमान सरकार नागरिकका लागि नभई भ्रष्टाचारी, दलाल, पुँजीपति र विचौलियाहरुको संरक्षणको बनेको हो ।’
उपाध्यक्ष पुनले देश अदृश्य शक्तिहरुको घेराबन्दीमा परेको उल्लेख गर्दै उनीहरुकै इसारामा देशको अर्थतन्त्र नाजुक अवस्थामा पु¥याइएको दावी गरे । सरकार, न्यायपालिका सबैतिर त्यस्ता अदृष्य शक्तिहरु व्यापक रुपमा फैलिएको उनले जिकिर गरे । देशको राष्ट्रियतामाथि नै खतरा हुनेगरी कांग्रेस र एमालेले ती शक्तिहरुसँग साँठगाँठ गरेको उपाध्यक्ष पुनले आरोप लगाए ।
आफु दुई पटक उपराष्ट्रपति हुँदा ति सञ्जालहरुलाई चिनेको दाबी गर्दैै उनले देश बचाउन त्यस्ता अदृश्य शक्तिको सञ्जाललाई तोड्नुपर्ने बताए । त्यसका लागि माओवादी घटकहरु पुनः एक ठाउँमा फर्कनुपर्ने उनको भनाई छ । संघिय लोकतान्त्रिक गणतन्त्र माओवादीको एजेण्डा भएको भन्दै उनले गणतन्त्र जोगाउने प्रमुख जिम्मेवारी माओवादीकै भएको पनि स्पष्ट पारे ।
Hetauda Live ले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
