११ फागुन, हेटौंडा । पोखराबाट काठमाडौँतर्फ आउँदै गरेको ग २ ख १४२१ नम्बरको बस गएराति करिब साढे १ बजे दुर्घटनामा परेको हो। बस सडकबाट करिब तल त्रिशुली किनारमा खसेको प्रहरीले जनाएको छ।
जिल्ला प्रहरी कार्यालय धादिङका प्रहरी उपरीक्षक सुमित खड्काका अनुसार दुर्घटनामा परी १७ जनाको घटनास्थलमै मृत्यु भएको छ भने २७ जना घाइते भएका छन्। बसमा चालकसहित ४४ जना सवार रहेका थिए।
घाइतेहरूको घटनास्थलबाट तत्काल उद्धार गरी बेनीघाट आसपासका स्वास्थ्य संस्थामा प्राथमिक उपचार गरिएको र थप उपचारका लागि काठमाडौँ पठाइएको प्रहरीले जनाएको छ।
दुर्घटनाको कारण खुल्न बाँकी रहेको प्रहरीले बताएको छ। रातिको समय, मोड र सडक अवस्थाका कारण दुर्घटना भएको हुनसक्ने प्रारम्भिक अनुमान गरिएको छ।
प्रहरीले मृतकको सनाखत प्रक्रिया अघि बढाएको तथा दुर्घटनाबारे थप अनुसन्धान भइरहेको जनाएको छ।
Hetauda Live ले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।