Day: April 16, 2025

३ वैशाख, हेटौँडा । आज दिउँसो सबैजसो पहाडी भूभागहरूमा हल्का पानी पर्ने सम्भावना रहेको मौसम पूर्वानुमान महाशाखाले जनाएको छ । तराईका एक÷दुई स्थानमा पनि वर्षाको सम्भावना छ । साथै उच्च पहाडी भूभागहरूमा हल्का हिउँ पर्ने पनि सम्भावना छ । काठमाडौँमा पनि आज दिउँसो पानी पर्नेे सम्भावना रहेको मौसमविद् सन्जिव अधिकारीले जानकारी दिए । उनकाअनुसार भोलिदेखि अझै बढी पानी पर्ने सम्भावना छ । अरब सागर र बङ्गालको खाडीबाट जलवाष्पयुक्त वायु प्रवेश हुने सम्भावना रहेकाले भोली पहाडी भूभागहरुमा हल्कादेखि मध्यम वर्षाको सम्भावना रहेको महाशाखाको भनाइ छ । कोशी प्रदेशका एक÷दुई स्थानमा भारी वर्षाको पूर्वानुमान गरिएको छ । हिजोको तुलनामा आज केही कम पानी पर्ने मौसमविद अधिकारीले जानकारी दिए ।...

३ वैशाख, हेटौँडा । आज बिहान एक बजेबाट लागू हुने गरी पेट्रोल–डिजेलको भाउ घटेको छ । नेपाल आयल निगमकाअनुसार पेट्रोल, डिजेल÷मट्टीतेलको भाउ प्रति लिटर तीन–तीन रूपैयाँ घटेको छ । भारतीय आयल कर्पोरेसन (आइओसी) ले पठाएको मूल्यसूचीअनुसार निगमले नयाँ भाउ तोकेको हो । निगमले तय गरेको नयाँ मूल्य देशभरका विभिन्न ठाउँअनुसार लागू हुनेछ । निगमले पेट्रोलियम पदार्थको मूल्यका लागि ठाउँहरूलाई तीन वर्ग विभाजन गरेको छ । पहिलो वर्गमा चारआली, विराटनगर, वीरगन्ज, जनकपुर, अमलेखगन्ज, भलवारी, नेपालगन्ज र धनगढी क्षेत्र पर्छन् । यो क्षेत्रमा अब पेट्रोलको भाउ १ सय ५७ रूपैयाँ ५० पैसा प्रतिलिटर पर्नेछ । डिजेल–मट्टीतेलको प्रतिलिटर १ सय ४३ रूपैयाँ ५० पैसा पर्नेछ । त्यस्तै दोस्रो वर्गमा सुर्खेत र दाङ क्षेत्र पर्छन् । यो क्षेत्रमा अब पेट्रोलको भाउ १ सय ५९ रूपैयाँ प्रतिलिटर पर्नेछ । डिजेल–मट्टीतेलको प्रतिलिटर १ सय ४५ रूपैयाँ...