Day: June 8, 2025

२५ जेठ, हेटोँडा । मकवानपुरको राक्सिराङ गाउँपालिकाका चेपाङ समुदायले आफ्ना प्रतिनिधिमार्फत प्रधानमन्त्री केपी शर्मा ओलीलाई परम्परागत वनउपज ‘चिउरी’ उपहारस्वरूप प्रदान गरेका छन् । बागमती प्रदेशसभा सदस्य भारती पाठकमार्फत पठाइएको उक्त उपहार विशेष बाँसको टोकरी ‘पेरुङ्गो’ मा राखेर पठाइएको थियो । आइतबार उपहार ग्रहण गर्दै प्रधानमन्त्री ओलीले उक्त उपहारले केवल चिउरी मात्र नभई समुदायको विश्वास, संस्कृति र आशा पनि सँगै आएको अनुभूति भएको बताएको प्रदेश सांसद पाठकले जानकारी दिइन् । उनका अनुसार प्रधानमन्त्रीले चिउरी प्रवद्र्धनमार्फत चेपाङ समुदायको आर्थिक समृद्धिको मार्ग खोल्ने प्रतिबद्धता समेत व्यक्त गरेका छन् । ‘चेपाङ समुदायको जीवनशैली, परम्परा र जीविकोपार्जनसँग गहिरो सम्बन्ध रहेको चिउरीलाई प्रवद्र्धन गर्दै समृद्धिको आधार बनाउने सोचमा छु,’ प्रधानमन्त्री ओलीले भने, ‘वन स्रोतको दीगो उपयोग, जैविक विविध...