Day: October 4, 2025

१८ असोज, हेटौँडा । जल तथा मौसम पूर्वानुमान महाशाखाले आज रातिदेखि देशभर थप वर्षा हुने सम्भावना रहेको जनाएको छ । बङ्गालको खाडीबाट आएको जलवाष्पयुक्त हावाको प्रभावका कारण हाल देशका धेरैजसो भागमा मुसलधारे वर्षा भइरहेको छ भने अर्को मनसुनी प्रणाली सक्रिय हुन लागेको महाशाखाले जनाएको हो । हाल मधेश प्रदेशमा अत्यधिक वर्षा भइरहेको छ। विशेषगरी पर्सा, सर्लाही, रौतहट, धनुषा, महोत्तरीमा भारी वर्षा मापन गरिएको छ। महाशाखाका अनुसार बितेका १२ घण्टामा सबैभन्दा धेरै वर्षा पर्साको वीरगञ्जमा १४४ मिलिमिटर मापन गरिएको छ । यसैगरी बारामा १४०.४, रौतहटको गौरमा १२९ र महेशपुरमा १२४ मिलिमिटर वर्षा भएको छ। देशको मध्य भाग हुँदै पूर्वी भू–भागमा बढी वर्षा भइरहेको छ । नवलपरासीपूर्वदेखि धनकुटासम्मको तराई तथा पहाडी क्षेत्रमा लगातार पानी परिरहेको छ । सिन्धुपाल्चोकदेखि दोलखा तथा काठमाण्डौ उपत्यका लगायत १४ जिल्लामा ५० मिलिमिट...

१८ असोज, हेटौँडा। देशका विभिन्न भागमा परिरहेको अविरल वर्षाले जनजीवन प्रभावित बनेको छ । यसैबीच सरकारले थप दुई दिन — आइतबार र सोमबार — सार्वजनिक बिदा दिने निर्णय गरेको छ । गृहमन्त्री ओमप्रकाश अर्यालका अनुसार निरन्तर वर्षाका कारण सडक अवरुद्ध, आवागमन कठिन भएको र धेरै जिल्लामा उद्धार तथा राहत कार्य जारी रहेका कारण यस्तो निर्णय गरिएको हो । सरकारी कार्यालयहरू भोलिदेखि खुल्ने तय भए पनि देशभरको प्रतिकूल मौसम अवस्थालाई मध्यनजर गर्दै मन्त्रालयस्तरीय बैठकले थप दुई दिन बिदा दिने निर्णय गरेको गृह मन्त्रालयले जनाएको छ । मन्त्रालयका अनुसार आपतकालीन सेवामा रहेका सुरक्षा निकाय, स्वास्थ्य संस्था र विपद् व्यवस्थापनमा संलग्न कर्मचारी भने नियमित रुपमा खटिने छन् । वर्षासँगै बाढी–पहिरोको जोखिम बढेको भन्दै गृह मन्त्रालयले नागरिकलाई सतर्क रहन र अनावश्यक यात्रा नगर्न आग्रह समेत गरेको छ ।...

१७ असोज, हेटौँडा । सरकारले असोज १८, १९ र २० गते काठमाडौं उपत्यका भित्रिने र बाहिरिने सवारीसाधन सञ्चालनमा रोक लगाउने निर्णय गरेको छ। राष्ट्रिय विपद्‌ जोखिम न्यूनीकरण प्राधिकरणले जारी गरेको सूचनाअनुसार, ती तीन दिनको अवधिमा हुने अपेक्षित भारी वर्षा र त्यसपछि उत्पन्न हुन सक्ने पहिरो, बाढी तथा सडक अवरोधजस्ता जोखिमका कारण यस्तो निर्णय गरिएको हो। प्राधिकरणका अनुसार, अत्यावश्यक सेवा बाहेकका सबै प्रकारका सवारीसाधन सञ्चालन रोक्ने निर्णय लिइएको हो। यसका लागि सम्बन्धित जिल्ला प्रशासन कार्यालयहरूसँग आवश्यक समन्वय भइरहेको बताइएको छ। विपद्‌ न्यूनीकरण प्राधिकरणले आम जनतालाई वर्षाको समयमा अनावश्यक यात्रा नगर्न, सुरक्षित स्थानमा बस्न र प्रशासनले जारी गर्ने थप सूचनाहरूको पालना गर्न आग्रह गरेको छ।...