लिखु तामाकोसी गाउँपालिकालाई तेश्रो सुनापति गाउँपालिका अध्यक्षको उपाधि

रामेछाप । सुनापति गाउँपालिका खेलकुद विकास समितिले आयोजना गरेका जिल्ला स्तरीय अन्तरपालिका पुरुष भलिबल प्रतियोगिताको “तेश्रो सुनापति गाउँपालिका अध्यक्ष कप २०७८” लिखु तामाकोसी गाउँपालिकाले हात पारेको छ ।  चैत्र ५ गतेदेखि ८ गतेसम्म भएको प्रतियोगितामा २ नगरपालिका सहित  ६  गाउँपालिका गरि ८ टिम सहभागी थिए । त्यसमध्ये  ७ टिमलाई पछि पार्दै लिखु तामाकोसी गाउँपालिकाले २ लाख रुपैयाँ नगद सहित ट्रफि मेडल र प्रमाणपत्र हात पारेको हो ।

मंगलबार सम्पन्न सुनापति गाउँपालिकाको खेल मैदान हिलेदेविमा भएको फाइनल खेलमा गोकुलगंगा गाउँपालिकालाई  पराजित गर्दै लिखु तामाकोसी गाउँपालिकाले उपाधि जितेको हो । प्रतिस्पर्धात्मक रूपमा सम्पन्न खेलमा गोकुलगंगा गाउँपालिकालाई हराउँदै लिखु तामाकोसी गाउँपालिका विजेता बनेको हो । यसैगरी, गोकुलगंगा गाउँपालिकाले दोस्रो पुरस्कार १ लाख रुपैयाँ नगद सहित शिल्ड, मेडल र प्रमाणपत्र हात पारेको छ । तृतीय पुरस्कार रामेछाप नगरपालिकाले हात पारेको छ । रामेछाप नगरपालिकाले ५० हजार रुपैयाँ नगद सहित शिल्ड मेडल र प्रमाणपत्र हात पारेका छन् भने, खाँडादेवि गाउँपालिका सान्तोना भएको छ ।

सात्वना हुने खाँडादेवी गाउँपालिकाले २५ हजार नगद साथै मेडल र प्रमाणपत्र प्राप्त गरेका छ । त्यसैगरी उत्कृष्ट खेलाडी, उत्कृष्ट डिफेण्डर, उत्कृष्ट स्पाइकरण, उत्कृष्ट प्रशिक्षक लगायतलाई पनि नगद तथा मेडल र प्रमाणपत्र प्रदान गरिएको छ ।

त्यस्तै ब्याडमिन्टनमा महिलातर्फ दोरम्बा शैलुङ्ग गाउँपालिका प्रथम, मन्थली नगरपालिका द्धितीय र सुनापति गाउँपालिका तृतीय भएको छ । पुरुषतर्फ खाँडादेवि गाउँपालिका प्रथम, रामेछाप नगरपालिका द्धितीय र सुनापति गाउँपालिकाले तृतीय स्थान हासिल गरेको छ । ब्याडमिन्टन पुरुषतर्फ खाँडादेवी गाउँपालिकाका तेजबहादुर खत्री र अनिल तामाङ तथा महिला तर्फ दोरम्बा शैलुङ्ग गाउँपालिकाको संगीता तामाङ र शोमा गुरुङले उपाधी हात पारेका छन् । ब्याडमिन्टन प्रतियोगिताका विजेताले नगद १५÷१५ हजार रुपैयाँ मेडल र प्रमाणपत्र प्राप्त गरेका छन् ।

महिला तर्फ मन्थली नगरपालिकाका युना श्रेष्ठ र बबिता बिक तथा पुरुषतर्फ रामेछाप नगरपालिकाका बलराम लामा र सुदिप श्रेष्ठ द्वितीय भएका छन् । द्वितीय हुनेले १०÷१० हजार रुपैयाँ नगद सहित मेडल र प्रमाणपत्र प्राप्त गरेका छन् । तृतीय हुने महिलातर्फ सुनापती गाउँपालिकाका उर्मिला दाहाल र लक्ष्मी थापामगर तथा पुरुषतर्फ सुनापती गाउँपालिकाका विशाल लामा र बिरेन्द्र ग्यापकले ५ हजार रुपैयाँ नगद सहित मेडल र प्रमाणपत्र प्राप्त गरेका छन् । विजेतालाई बागमती प्रदेश युवा तथा खेलकुद मन्त्रि रत्न ढकालले पुरस्कार वितरण गरिएका थिए ।