१
१७ चैत, हेटौँडा । मकवानपुरको बकैया गाउँपालिकाका पूर्व वडा अध्यक्ष बुद्धिमान वाइबा नेपाली कांग्रेस प्रवेश गरेका छन् । नेकपा माओवादी केन्द्रका नेता समेत रहेका उनी आइतबार एक कार्यक्रमकाबीच कांग्रेस प्रवेश गरेका हुन् । वाइबा २०७४ सालको निर्वाचनमा माओवादी केन्द्रबाट बकैया १ को वडा अध्यक्ष पदमा निर्वाचित भएका थिए ।
आइतबार कांग्रेस मकवानपुर पार्टी कार्यालयमा जिल्ला सभापति बुद्ध लामाको हातबाट टीका लगाउँदै उनले माओवादी परित्याग गरी कांग्रेसको सदस्यता ग्रहण गरेका हुन् । पछिल्लो समय माओवादीमा विचलन आएसँगै केही समयदेखि निस्कृय बस्दै आएको र अहिले कांग्रेस प्रवेश गरेको उनले बताए । अब कांग्रेसकै सदस्यको रुपमा बाँकी समय जनताको हितमा काम गर्ने उनको भनाई थियो ।
कांग्रेस मकवानपुर सभापति लामाले वाइबालाई कांग्रेसमा स्वागत गर्दै आवश्यकता अनुसार जिम्मेवारी दिएर अघि बढ्ने प्रतिबद्धता व्यक्त गरे । कार्यक्रममा कांग्रेस मकवानपुर सचिव भीमसेन महत, १ नम्बर क्षेत्र संघीय सभापति दामोदर खनाल, संघीय सचिव कविन सांगामी, बकैया सभापति दिलबहादुर बोम्जन, किसान संघ मकवानपुर सभापति सोम तिमल्सिना लगायत सहभागी थिए ।
Hetauda Live ले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
