सुमो दुर्घटना हुँदा मकवानपुरका ९ जना घाइते, ३ को अवस्था गम्भिर

२० चैत, हेटौँडा । मकवानपुरको इन्द्रसरोवरमा सुमो दुर्घटना हुँदा ९ जना घाइते भएका छन् । घाइतेमध्ये ३ जनाको अवस्था गम्भिर रहेको मकवानपुर प्रहरीले जनाएको छ ।

प्रहरीका अनुसार बुधबार अपरान्ह रौतहटबाट हेटौँडा हुँदै काठमाडौंतर्फ जाँदै गरेको ना १ ज ५४८५ नम्बरको सुमो ब्रेक फेल भएर इन्द्रसरोवर गाउँपालिका वडा नम्बर २ बतासे स्थित भीमफेदी कुलेखानी सिस्नेरी सडक खण्डमा दुर्घटनामा परेको हो ।

सुमो सडकाबाट झण्डै एकसय मिटर तल खसेको छ । जिल्ला प्रहरी कार्यलय मकवानपुरका प्रहरी प्रवक्ता डिएसपी श्यामु अर्यालले चालक सहित १० जना रहेको सुमोमा ३ जनाको गम्भिर, १ जना मध्यम र ५ जना सामान्य घाइते भएको जानकारी दिए ।उनका अनुसार प्रहरी सहा

यक निरीक्षक खगेन्द्रलाल गुभाजुको नेतृत्वको प्रहरी टोलीले घाइतेहरुलाई उद्धार गरी उपचारका लागि काठमाडौं पठाइएको छ । सुमो चालक प्रहरीको सम्पर्कमा रहेको र घाइतेहरुको पहिचान खुल्न बाँकी रहेको प्रवक्ता अर्यालले बताए ।