बागमतीमा २४ घण्टामा २१ वटा आगलागीका घटना, लाखौको क्षति

२४ चैत, हेटौंडा । बागमती प्रदेशमा पछिल्लो २४ घण्टामा २१ व्टा आगलागीका घटना भएका छन् । प्रदेशको उपत्यका बाहेकाका १० जिल्लामा २४ घण्टामा २१ वटा आगलागीका घटना भएका हुन् । प्रदेश प्रहरी कायाृलय बागमती प्रदेशको २४ घण्टाको तथ्यांक अनुसार विभिन्न जिल्लामा आगलागीका घटना भएका हो । सुख्खायाम लागेसंगै सरु भएको आगलागीका घटना पछिल्लो समय निरन्तर बढिरहेको प्रहरीको भनाई छ ।

प्रदेश प्रहरी कार्यालयका अनुसार मकवानपुरमा ७ वटा, दोलखा, धादिङ र काभ्रेमा ३÷३ वटा, सिन्धुली र नुवाकोटमा २ वटा, सिन्धुपाल्चोक र चितवनमा एक÷एक वटा आगलागीका घटना भएका छन् । २४ घण्टाको अवधिमा मकवानपुरको राक्सिराङमा मात्र ३ वटा आगलागीका घटना भएका छन् ।
राक्सिराङ गाउँपालिका–७ मा जंगलमा लागेको आगो घरमा सल्किदा स्थानीय सुब्बा प्रजा र चन्द्र प्रजाको घर र गोठ जलेर नष्ट भएको छ । जंगलबाट लागेको आगो हावाहुरीको कारणले जंगल नजिकै रहेको सुब्बा र चन्द्रको काठको खरले छाएको कच्ची घर र घरसंगै रहेको खाली बाख्रा गोठ जलेर नष्ट भएको प्रहरीको भनाई छ ।

आगोलागीबाट सुब्बा र चन्द्रको घर भित्र रहेको लताकपडा, भाडा, अन्नपात र नगद २० हजार रुपैयाँ जलेर नष्ट भएको प्रहरीको विवरणमा उल्लेख छ । सो घटनामा करिव एक लाख ५० हजार रुपैयाँको क्षती भएको प्रहरीको मुल्यांकन रहेको छ । सोही घटनामा मानवीय तथा चौपायाहरुको क्षति नभएको र कान्द्राङ चौकीबाट खटिएको प्रहरी तथा स्थानीयको सहयोगमा आगो पुर्ण रुपमा नियन्त्रणमा लिइएको प्रहरीको भनाई छ ।

त्यस्तै प्रहरीका अनुसार जंगलमा लागेको आगो सल्कीदाँ राक्सिराङ–४ का राम बहादुर थिङको काठको खरले छाएको कच्ची घर जलेर नष्ट भएको छ । आगलागीका कारण थिङको घर भित्र रहेको अन्नपात, लताकपडा, सोलार प्यानल जलेर नष्ट भएको थियो । अस्थायी प्रहरी पोष्ट गिंगुबाट अटिएको प्रहरी टोलीले स्थानीयको सहयोगमा आगो नियन्त्रणमा लिइएको प्रहरीले जनाएको छ ।

आगलागीबाट राक्सिराङ–५ का रोसन प्रजाको घरमा जलेर नष्ट भएको प्रहरीको भनाई छ । सो घटनामा करि २ लाख रुपैयाँको क्षती भएको प्रहरीको अनुमान छ । आगलागीबाट बागमती गाउँपालिका–७ बस्ने निज बहादुर थापाको काठले बनेको जस्ताको छानो भएको घरमा जलेर पुर्ण रुपमा नष्ट भएको छ । आगलागीबाट करिव २ लाख ५० हजार रुपैयाँ क्षती भएको प्रहरीको मुल्यांकन रहेको छ । हेटौँडा–१५ मा डम्पिङ गरेर राखिएको कोईलामा आगलागी भएको प्रहरीले जनाएको छ । सो घटना भैतिक, तथा मानविय क्षती नभएको प्रहरीले जनाएको छ ।

त्यस्तै इन्द्रसरोबर गाउँपालिका–३ सिस्नेरी भालुडाँडा स्थित राष्ट्रिय वनमा डढेलो लाग्दा स्थानीय मिठ्ठु सिलवालको कच्ची घर र वेद बहादुर सिलवालको गोठ जलेर नष्ट भएको छ । घरगोठमा मानिस तथा चौपाय नरहेकाले भौतिक संरचना मात्र क्षती भएको प्रहरीको तथ्यांकमा उल्लेख छ । सो घटनामा ३ लाख ८० हजार रुपैयाँको क्षती भएको प्रहरीको मुल्यांकन रहेको छ । दुधौली–३ कालापानी स्थित चन्द्र बहादुर तामाङको बाँसको टाटी भएको घरमा आगलगी हुँदा जलेर पुर्ण रुपमा क्षती भएको छ । दोलखाको भस्मेश्वर–५ माझिमाटीमा स्थानीय रुद्र बहादुर बस्नेतको घरको माथिल्लो तलामा क्षती भएको छ ।

प्रदेश प्रहरी कार्यालय हेटौंडाको विवरण अनुसार काभ्रेको चौरीदेउराली–६ स्थित माथिल्लो कात्तिकेदेउराली सामुदायिक वनमा आगलागी भएको छ भने महाभारत गाउँपालिका–७ स्थित कुलुङ सामुदायिक वनमा आगलागी भएको छ । चौरीदेउराली–५ स्थित व्यक्तिगत पाखो बारिमा लागेको आगो खारा सामुदायिक वनमा फैलिएको छ । धादिङको त्रिपुरासुन्दरी–६ स्थित कुवापानि सामुदायिक वनमा आगलागी भएको छ । गंगाजमुना–७ अमारेडाँडा स्थितमा नगेन्द्र दवाडीको बाँझो बारीमा आगलागी भएको छ ।

धुनिवेसी–९ चापागाईकोट स्थित निसाकोट सामुदायिक जंलमा आगलागी भएको छ । नुवाकोटको ककनी–३ चिहानडाँडा स्थित हवेली सामुदायिक वनमा आगलागी भएको छ । बेलकोटगढी–१० हकुवाटोल स्थित सालघाँरी शिला पत्थर सामुदायिक वनमा आगोलागी भएको छ । सिन्धुलीको गोलन्जार–७ माथिल्लो बारा स्थित बाराही देवि सामुदायिक वन र पञ्चकन्या सामुदायिक वनमा आगलागी भएको छ ।

भीमेश्वर–५ स्थित विचोर सामुदायिक वनमा आगलागी भएको छ भने मेलुङ–२ साझा सामुखोरिया सामुदायिक वनमा पनि आगो लागेको छ । प्रहरीका अनुसार चौतारा साँगागढीचोक नगरपालिका–५ भेडाबारी स्थित कमेरेपानी सामुदायिक वन, चितवनको राप्ती नगरपालीका–१ लोथर स्थित परेवाश्वरी सामुदायिक वनमा आगलागी भएको छ ।

उक्त घटनामा प्रहरी सहित स्थानीयहरुको सहकार्यमा आगो निभाउने कार्य भइरहेको, मानव वस्ती जोखिममा नरहेको र आगो नियन्त्रणमा लिने प्रयास भएरहेको प्रहरीले जनाएको छ । केही स्थानको आगलागी स्थानीय र प्रहरी तथा दमकलको सहयमोगमा नियन्त्रणमा लिएपनि केही स्थानमा दमकल जान नसक्ने अवस्था नरहेको प्रहरीले बताएको छ । आगलागी भएको क्षेत्रमा नेपाल प्रहरी र शसस्त्र प्रहरीको टोली र स्थनीयबासीको सहयोगमा आगो निभाउने काम भएको प्रहरीले जनाएको छ ।