१
२८ चैत, हेटौँडा । नेपाली काँग्रेसले क्रियाशील सदस्यता नवीकरणका लागि १५ दिनको म्याद थप गरेको छ । यसअघि चैत मसान्त भित्रै सदस्यता नवीकरण पूरा गर्न निर्देशन दिइएको थियो । विभिन्न जिल्लामा विवादका कारण समय थप गरिएको हो ।
अब वैशाख १५ गतेभित्र सदस्यता नविकरणको काम सक्नुपर्ने छ । महामन्त्री गगन थापाले ७७ जिल्ला कार्यसमितिलाई परिपत्र गर्दै थपिएको म्यादमा सदस्यता नवीकरण पूरा गर्न निर्देशन दिएका छन् ।
यसपटक क्रियाशील सदस्यता नवीकरणको लागि दुई सय रुपैयाँको शुल्क निर्धारण गरिएको छ । नेपाली काँग्रेसको महाधिवेशनको तयारीका क्रममा क्रियाशील सदस्यता नवीकरणको महत्वपूर्ण भूमिका रहने हुँदा थापाले पार्टीका नेताहरूलाई समयमै सदस्यता नविकरण नगरे महाधिवेशनमा समस्याको सामना गर्नुपर्ने चेतावनी दिएका छन् ।
महामन्त्री थापाले पार्टीको महाधिवेशन अरु पार्टीसँग एकता गरेर सार्न नमिल्ने पनि स्पष्ट पारेका छन् । बिहीबार नेपाली काँग्रेस काठमाडौँ क्षेत्र नम्बर २ अन्तर्गत दोस्रो प्रदेश सम्मेलनलाई सम्बोधन गर्दै उनले तोकिएको समयमा महाधिवेशन गर्न नहुने भन्ने अन्योलबाट बाहिर निस्कन नेता र कार्यकर्तालाई आग्रह पनि गरेका छन् ।
Hetauda Live ले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
