भुटनदेवी माविमा सिपमुलक तालिम सुरु, व्यवसायिक शिक्षालाई प्राथमिकता दिँदै विद्यालय

१३ वैशाख, हेटौँडा । हेटौँडा उपमहानगरपालिका वडा नम्बर ४ मा रहेको भुटनदेवी माविमा विद्यार्थीहरुका लागि व्यवसायिक तालिम शुरू गरिएको छ । पहिलो चरणमा ६० जना विद्यार्थीलाई सिपमुलक तालिम दिन लागिएको विद्यालयले जनाएको छ ।

तालिमको शुभारम्भ गर्दै विद्यालय व्यवस्थापन समितिका अध्यक्ष समेत रहेका वडा अध्यक्ष नवीन सिग्देलले विद्यार्थीहरूलाई व्यवसायिक तालिम मार्फत भाविष्यमा रोजगारीको ग्यारेन्टि गर्ने उदेश्यले विद्यालयले तालिमको सुरु गरेको बताए । उनका अनुसार विद्यालयको आन्तरिक स्रोतबाट प्रारम्भिक चरणमा हेयर कटिङमा, बेसिक व्युटीपार्लर र बेसिक ईलोक्टिसियनको तालिम दिन लागिएको हो ।

अध्यक्ष सिग्देलले विद्यालयले सैद्वान्तिक पढाईको अलावा विभिन्न अतिरिक्त क्रियाकलाप आयोजना गर्दै आईरहेको र फरक पहिचानसहित शिक्षाको गुणस्तर सुधार माथी उठाउन आफुहरु लागि परेको जानकारी दिए । उनले सिपमुलक तालिम अन्तर्गत पहिलो चरणमा विद्यार्थीहरुका लागि हेयर कटिङ, बेसिक व्यटीपार्लर र बेसिक इलेक्ट्रिसियन तालिम दिन थालिएको बताए ।

कार्यक्रममा विद्यालयका सहायक प्रधानध्यापक भरत पोखरेलले विद्यालयले सञ्चालन गर्न लागिको सिपमुलक तालिममा हेयर कटिङमा २० जना, बेसिक व्युटीपार्लरमा २० जना र बेसिक ईलोक्टिसियनमा २० जना विध्यार्थीको सहभागीता रहेको छ । उनले सैद्वान्तिक शिक्षासंगै, अतिरिक्त क्रियाकलाप र सीपमूलक कार्यक्रम नियमित रूपमा सञ्चालन गर्ने बार्षिक योजना रहेको स्पष्ट पारे ।

कार्यक्रममा हेयर कटिङका प्रशिक्षक किरण अधिकारी र ईलोक्टोनिक्सका प्रशिक्षक ज्ञानेन्द्र देवकोटाले तालिमको महत्ववारे जानकारी गराएका थिए । तालिम सुभारम्भ कार्यक्रममा विद्यालय व्यवस्थापन समितिका सदस्य राजेन्द्रकुमार बस्ताकोटी, सहायक प्रअ बेदराज कोईराला, शिक्षक प्रतिनिधि सूर्यप्रसाद घिमीरे, मावि तह संयोजक संगीता उप्रेती, आधारभूत तह श्याम बजगाईँ, प्रावि संयोजक मुकुन्द न्यौपाने लगायतको उपस्थिति रहेको थियो ।