वाइसियलको जिल्ला सम्मेलनमा पूर्व उपराष्ट्रपति नन्दकिशोर पुन आउने

१९ वैशाख, हेटौँडा । पूर्व उपराष्ट्रपति एवं माओवादी केन्द्रका उपाध्यक्ष नन्दकिशोर पुन यहि २२ वैशाखमा हेटौँडामा हुने वाइसियल मकवानपुरको जिल्ला सम्मेलनमा सहभागी हुन मकवानपुर आउने भएका छन् ।

माओवादी केन्द्र सम्वद्ध युवा संगठन योङ्ग कम्युनिष्ट लिग ९वाइसिल० मकवानपुरको जिल्ला सम्मेलनमा प्रमुख अतिथिका रुपमा उनी वैशाख २२ गते हेटौँडा आउन लागेको वाइसियल मकवानपुरका संयोजक लभराज ठकुरीले जानकारी दिए । ‘उद्यमशिलता नवप्रवर्तन र स्वरोजगारका लागि युवा आन्दोलन, सुशासन समृद्धि सामाजिक न्याय समाजवादको पक्षमा पाँचौ जिल्ला सम्मेलन’ भन्ने नाराका साथ वाइसियल मकवानपुरले जिल्ला सम्मेलन गर्न लागेको हो ।

संयोजक ठकुरीका अनुसार सम्मेलनले युवाहरुको सबालहरुलाई सशक्त रुपमा उठाउने र पार्टी संगठनको नीतिगत तहमा पु¥याउन भुमिका खेल्ने जानकारी दिए । सम्मेलनले युवा पलायन, युवाहरुको अवसर, चुनौति र समस्या बारे नीतिगत सम्बादको थालनी गर्ने संयोजक ठकुरीको भनाई छ । उनले युवाहरुलाई आर्थिक सामाजिक, राजनीतिक तथा सुशासनका मुद्धामा सशक्त ढंगबाट अघि बढाउन सम्मेलनले प्रभावकारी भूमिका खेल्ने विश्वास पनि व्यक्त गरे ।

सम्मेलनमा मकवानपुरका १० स्थाानीय तहबाट चार सय युवा प्रतिनिधिहरुले सहभागिता जाउने छन् । उक्त सम्मेलनले ७१ सदस्यीय नयाँ कार्यसमिति समेत गठन गर्ने उनको भनाई छ । पछिल्लो समय वाइसियलमा युवाहरुको आकर्षण बढेको र युवा परिचालनलाई ध्यानमा राखेर नयाँ कार्यसमिति तयार गरी अघि बढ्ने तयारी गरिएको उनले बताए ।