बजेटबाट प्रभावकारी काम गर्नुपर्ने चुनौति छः मुख्यमन्त्री लामा

२२ बैशाख, हेटौँडा । बागमती प्रदेशका मुख्यमन्त्री बहादुर सिंह लामाले नागरिकको सहज सेवासंगै प्रत्याभुति हुनेगरी बजेट कार्यक्रम तयार गर्नुपर्ने बताएका छन् । उनले नागरिकका बढ्दो वितृष्णालाई चिर्न सरकारले नीति कार्यक्रम र बजेट मार्फत् प्रभावकारी काम गर्नुपर्ने चुनौति रहेको बताए ।

सोमबार प्रदेशको वन तथा वातावरण मन्त्रालयको योजना तर्जुमा गोष्ठिलाई सम्बोधन गर्दै मुख्यमन्त्री लामाले नागरिकको हित र भुगोल अनुकुल योजना निर्माण गरेर अघि बढ्नु पर्ने बताए । वन क्षेत्रका विविध विषयलाई उत्पादन र आयआर्जनमा जोडेर अघि बढाउनु पर्नेमा उनले जोड दिए ।

‘नागरिक लाभान्वीत हुने र वन तथा वातावरण संरक्षण हुने गरी योजना निर्माण गरेर अघि बढ्नुपर्छ । वन क्षेत्रको संरक्षण र व्यवस्थापन सन्तुmिलत ढंगबाट अघि बढाउनुपर्छ ।’ उनले भने, ‘वन जंगलको उचित व्यवथापन अहिलेको आवश्यकता हो । आयात निरुत्साहित गर्न दीगो वन व्यवस्थापनको नीति अवलम्बन गर्नुपर्छ । उपयुक्त नीति कार्यक्रम ल्याएर पूजिगत खर्चलाई बढाउनुपर्छ । उत्पादन, पर्यटन, स्वास्थ्य शिक्षा लगायतका क्षेत्रसंग जोडर वनका कार्यक्रमहरु अघि बढाउनुपर्छ ।’

उनका अनुसार स्वदेशी काठ प्रयोगलाई बढावा दिन नीतिगत सुधार गर्नुपर्छ । नेपालमा उत्पादन भएको काठको लागत मुल्य घटाएर सुलभ रुपमा नागरिकको पहुँचमा पु¥याउन जरुरी रहेको उनले बताए । प्रदेशको आय स्रोत वृद्धि गर्ने गरी कार्यक्रमहरु तर्जुमा गर्नुपर्नेमा उनले जोड दिए । सरकारको स्रोत कम भएकाले बजेट सिलिङ कम पठाएको भनेर आलोचना भइरहेको उनको भनाई छ । बजेट सिलिङमा व्यापक सुधार गर्नेगरी प्रदेश सरकारको स्रोत व्यवस्थापनमा मन्त्रालयहरु अग्रसर हुनुपर्ने उनको भनाई छ ।

उनले कार्यान्वयन युक्त प्रभावकारी योजना निर्माण गर्नुपर्ने बताए । प्रचारमुखि भन्दा प्रनि नागरिकको आयआर्जनमा जोड्ने गरी कार्यक्रमहरु तयारी बजेट विनियोजना गर्नुपर्ने उनको भनाई छ । निश्चित कार्यक्रम तयार गरेर समय अवधि भित्र सक्ने गरी कार्यक्रमहरु अघि बढाउन मन्त्रालयहरुलाई उनले निर्देशन दिए ।