विकासमा नमुना वडा बनाउँदैछौँः वडा अध्यक्ष सिग्देल

२९ बैशाख, हेटौँडा । हेटौँडा उपमहानगरपालिका ४ वडा नम्बर वडा अध्यक्ष नवीन सिग्देलले वडालाई विकासमा नमुना र अग्रिणी वडा बनाउँन आफू लागि परेको बताएका छन् ।

वडा कार्यालयबाट गरेको कार्यको समीक्षा र आगामी योजनाको लागि सुझाव संकलन भेलामा बोल्दै अध्यक्ष सिग्देलले भौतिक पूर्वाधारसंगै शिक्षा, स्वास्थ्य, खेलकुद, भाषा साँस्कृतिको विकास, विभिन्न सामाजिक अभियान सञ्चालन गरि वडालाई चौतर्फी विकास गर्न अग्रसर रहेको जानकारी दिए ।
उनले वडाका विभिन्न टोलबासीहरूले दिएको सुझावलाई आगामी कार्ययोजनामा समावेश गरि वडमा भएका खास समस्याको प्राथमिकताको आधारमा समाधान गर्दै जाने प्रतिबद्वता पनि व्यक्त गरे ।

हेटौँडा र बागमती प्रदेशको राजधानीको मध्ये भाग र घनावस्ति रहेको वडा भएकोले सफा, उज्यालो, हरियाली र सुरक्षित सुविधा सम्पन्न वडाको रूपमा विकास गरिरहेको भेलामा वडा अध्यक्ष सिग्देलले तथ्यसहित आफ्नो भनाई राखेका थिए ।

भेलामा टोल विकास संस्था, विभिन्न सामाजिक संस्था र विभिन्न क्षेत्रका अगुवाहरूको सहभागीता रहेको थियो । २६ वटा टोल विकास संस्थाको तीन चरणमा भएको भेलाको अध्यक्षता वडा सदस्य गीता त्रिपाठीले गरेकी थिइन् । भेलामा टोल विकास संस्था वडा समन्वय समितिका अध्यक्ष राजेन्द्र बस्ताकोटी, वडा सचिव रामप्रसाद गुरागाईँ, श्रमिक मावि, विध्यालय व्यवस्थापन समितिका अध्यक्ष विवेक कार्की र शैक्षिक सुधार गुणस्तर समितिका संयोजक श्रीराम दाहाललगायतको उपस्थिति रहेको थियो ।