बैतडी केन्द्रबिन्दु भएर भूकम्पका दुई धक्का, क्षतिको विवरण संकलन हुँदे

९ जेठ, हेटौँडा । बैतडी सदरमुकाम खलङ्गा केन्द्रबिन्दु बनाएर आज बिहान दुई पटक भूकम्पको धक्का महसुस गरिएको छ। सुर्खेतस्थित राष्ट्रिय भूकम्प मापन केन्द्रका प्रमुख चिन्तन तिमल्सिनाका अनुसार पहिलो धक्का बिहान १ः४८ बजे ५.१ रेक्टर स्केल र दोस्रो धक्का बिहान २ः०० बजे ३.७ रेक्टर स्केलको मापन गरिएको हो।

लगातार दुईपटक कम्पन महसुस भएपछि बैतडीसहित दार्चुला, बझाङ, डडेल्धुरा जिल्लाका स्थानीयवासी घर बाहिर निस्किएका थिए। भूकम्पका कारण स्थानीयहरूमा त्रास फैलिएको छ ।

हालसम्म मानवीय क्षतिको विवरण प्राप्त नभए पनि केही पुराना घरहरूमा चिरा परेको प्रारम्भिक रिपोर्ट आएको प्रहरीले जनाएको छ। स्थानीय जनप्रतिनिधिहरूले क्षतिको विवरण संकलन कार्य भइरहेको जानकारी दिएका छन्।