Day: May 23, 2025

८ जेठ, हेटौँडा । बागमती प्रदेशका भौतिक पूर्वाधार तथा विकास मन्त्री अमनकुमार मास्केले कुलेखानी(फाखेल(हुमाने सडकको आकस्मीक अनुगमन गरेका छन् । बिहीबार साँझ मन्त्री मास्केले सो सडकको स्थलगत अनुगमन गरेका हुन् । सडक बन्द गरेर स्तरोन्नती भइरहेको स्थानमा मन्त्री मास्केले अनुगमन गरेका हुन् । हेटौंडा–काठमाडौं जोड्ने उक्त सडक बागमती प्रदेश सरकारको लगानीमा असारअगावै सक्ने गरी स्तरोन्नती सहित कालोपत्र गर्ने काम भइरहेको छ । २ जेठबाट कालोपत्रे सुरु भएको उक्त सडकमा लापवाही ढंगबाट काम भएको गुनासो आएपछि मन्त्री मास्के आकस्मीक रुपमा अनुगमनमा पुगेका हुन् । सो सडक खण्डको हुमानेदेखि राकस खोलासम्म गरिएको कालोपत्रे उक्किएको भन्दै स्थानीयहरुले विरोध गरेका थिए । केही दिन अघि मात्र हालिएको उक्त कालोपत्रे उक्किएको भिडियो सामाजिक सञ्जालमा फैलिएपछि सडकको अवस्था बुझ्न मन्त्री मास्के आफै पुगेका हुन् । १९ दिनमा कालोपत्...