Breaking News 2

१० वैशाख, हेटौंडा । प्रधानमन्त्री तथा मन्त्रिपरिषद्को कार्यालय, सिंहदरबारमा बिहीबार बसेको मन्त्रिपरिषद् बैठकले विभिन्न महत्त्वपूर्ण निर्णयहरू गरेको छ। बैठकले एकीकृत पानी तथा ढल व्यवस्थापन (Integrated Water and Sewerage Management) क्षेत्रका लागि एशियाली विकास बैंक बाट प्राप्त हुने ११५ मिलियन अमेरिकी डलर सहुलियतपूर्ण ऋण सहायता सम्बन्धी सम्झौता टुंग्याउन वार्ता टोली गठन गर्ने निर्णय गरेको छ। अर्थ मन्त्रालयका सहसचिवको नेतृत्वमा गठन हुने उक्त टोलीले सम्झौता तथा सम्बन्धित कागजातलाई अन्तिम रूप दिन वार्ता गर्नेछ। त्यस्तै, सरकारले राष्ट्रिय प्रहरी प्रशिक्षण प्रतिष्ठान, महाराजगञ्जको जग्गासम्बन्धी पुरानो निर्णय सच्याएको छ। यसअघि २०७५ भदौ २१ को निर्णयअनुसार सो जग्गा राष्ट्रपतिको नाममा हस्तान्तरण गर्ने भनिएकोमा अब उक्त निर्णय खारेज गरी जग्गा पुनः प्रतिष्ठानकै प्रयोगमा रहने निर्णय गरिएको छ। बैठकले स...

मातातीर्थ औँसीस् देशभर आमाको सम्मानमा श्रद्धा र भक्ति साथ मनाइँदै ४ वैशाख, हेटौँडा । आज देशभर मातातीर्थ औँसी अर्थात् आमाको मुख हेर्ने दिन श्रद्धा, भक्ति र सम्मानका साथ मनाइँदै छ। प्रत्येक वर्ष वैशाख कृष्ण औँसीका दिन मनाइने यो पर्वले जन्मदिने आमाप्रति कृतज्ञता प्रकट गर्ने विशेष अवसर प्रदान गर्दछ । यस दिन बिहानै स्नान गरी शुद्ध भएर छोराछोरीहरूले आफ्नी आमालाई सुन्दर वस्त्र अर्पण गर्ने, मीठा तथा पोषिला परिकार खुवाउने र आशिर्वाद लिने परम्परा रहेको छ। आमाप्रति प्रेम, सम्मान र सेवा भाव प्रकट गर्ने यस पर्वलाई नेपाली समाजमा अत्यन्त महत्वपूर्ण रूपमा लिइन्छ । आमा दिवंगत भइसकेकाहरूले भने आजकै दिन आमाको सम्झनामा श्राद्ध गर्ने र तर्पण दिने चलन छ। धार्मिक मान्यताअनुसार यसो गर्दा मातृऋणबाट मुक्ति मिल्ने विश्वास गरिन्छ। यस अवसरमा काठमाडौंको चन्द्रागिरि नगरपालिका–६ स्थित मातातीर्थ कुण्डमा बिहानै...

२ वैशाख, हेटौंडा । क्रिकेटमा भविष्य खोजिरहेका युवा खेलाडीलाई प्रेरणा दिन राष्ट्रिय क्रिकेट टोलीका खेलाडी सन्दीप लामिछाने हेटौँडा आइपुगेका छन् । हेटौँडा उपमहानगरपालिका वडा नम्बर ४ गर्दोइस्थित हेटौँडा स्पोर्ट्स एकेडेमीले सञ्चालन गरेको ग्रासरुट क्रिकेट प्रशिक्षण केन्द्रमा रहेका खेलाडीहरूसँग अनुभव साटासाट गर्न उनी बुधबार हेटौँडा पुगेका हुन् । उनले एकेडेमीमा करिब दुई घण्टा बिताउँदै प्रशिक्षण लिइरहेका खेलाडीहरूसँग अन्तरक्रिया गरेका थिए । नेपाली क्रिकेटका चर्चित खेलाडी लामिछानेले अन्तर्राष्ट्रियस्तरका विभिन्न फ्रेन्चाइज क्रिकेट प्रतियोगितामा सहभागिता जनाइसकेका छन् । उनले युवा खेलाडीलाई निरन्तर अभ्यास, अनुशासन र आत्मविश्वासका साथ खेल्दै अगाडि बढ्न सुझाव दिएका थिए । ‘क्रिकेटमा भविष्य बनाउन मिहिनेत अत्यन्त आवश्यक छ । अनुशासनमा रहेर दृढ विश्वासका साथ अघि बढे सफल हुन सकिन्छ,’ उनले भने । एकेडे...

२३ चैत, हेटौंडा । सरकारले पोखरास्थित फेवातालको चार किल्लाभित्रको जग्गाको वर्तमान अवस्था अध्ययन गर्न ५ सदस्यीय छानबिन समिति गठन गरेको छ । भूमि व्यवस्था, सहकारी तथा गरिबी निवारण मन्त्रालयले भूमि व्यवस्था तथा अभिलेख विभागका महानिर्देशकको संयोजकत्वमा उक्त समिति गठन गरेको हो । मन्त्रालयका अनुसार समितिले फेवातालको चार किल्ला सिमानाभित्र रहेको जग्गाको हालको अवस्था, निर्माण भएका संरचना तथा ताल क्षेत्रभित्र पर्ने सबै कित्ता जग्गाको यथार्थ विवरण संकलन गरी अभिलेखीकरण गर्नेछ। साथै ताल क्षेत्रमा पर्ने निजी तथा सरकारी जग्गाको दर्ता स्थिति र प्रयोगको अवस्थाबारे पनि विस्तृत अध्ययन गरिने जनाएको छ । फेवाताल क्षेत्रको संरक्षण र व्यवस्थापनलाई प्रभावकारी बनाउन समिति गठन गरिएको मन्त्रालयले जनाएको छ । समितिलाई ताल क्षेत्रभित्रका सबै कित्ताको यकिन विवरणसहित प्रतिवेदन तयार गरी पेश गर्न सात दिनको समय दिइएको छ । ...

१९ चैत, हेटौँडा । नेपाल आयल निगमले पेट्रोलियम पदार्थको मूल्य फेरि बढाएको छ । निगमले बिहीबारदेखि लागू हुने गरी पेट्रोल, डिजेल र मट्टितेलको मूल्य प्रतिलिटर १५ रुपैयाँका दरले बढाएको हो । मूल्यवृद्धिपछि काठमाडौं, पोखरा र दिपायल क्षेत्रमा पेट्रोलको मूल्य प्रतिलिटर २०२ रुपैयाँ पुगेको छ भने डिजेल र मट्टितेलको मूल्य प्रतिलिटर १८२ रुपैयाँ पुगेको छ। यसअघि निगमले १ चैतमा पेट्रोलियम पदार्थको मूल्य प्रतिलिटर १५ रुपैयाँ बढाएर काठमाडौंमा पेट्रोलको मूल्य १७२ रुपैयाँ र डिजेल–मट्टितेलको मूल्य १५२ रुपैयाँ पुर्‍याएको थियो । त्यसपछि १२ चैतमा फेरि १५ रुपैयाँ बढाउँदै पेट्रोलको मूल्य १८७ रुपैयाँ र डिजेल–मट्टितेलको मूल्य १६७ रुपैयाँ कायम गरिएको थियो । अन्तर्राष्ट्रिय बजारमा पेट्रोलियम पदार्थको मूल्य निरन्तर बढिरहेकाले स्वदेशी बजारमा पनि मूल्य समायोजन गर्नुपरेको निगमले जनाएको छ । मूल्यवृद्धिसँगै उपभोक्तामाथि...

१४ चैत, हेटौँडा। नेपाल कम्युनिस्ट पार्टी ९एमाले० मकवानपुरले पार्टी अध्यक्ष तथा पूर्वप्रधानमन्त्री केपी शर्मा ओली र नेपाली कांग्रेसका नेता तथा पूर्वगृहमन्त्री रमेश लेखक को पक्राउप्रति घोर आपत्ति जनाएको छ । पार्टीका कार्यावाहाक अध्यक्ष हिदम लामाले जारी भदौ २३ र २४ गते ‘जेन–जी’ नाममा भएको आन्दोलनका घटनाको छानबिनका लागि गठन गरिएको कार्की आयोगको प्रतिवेदन सार्वजनिक नहुँदै प्रतिशोध र पूर्वाग्रहपूर्ण ढंगले गिरफ्तारी गरिएको आरोप लगाएका छन् । उनले गैरकानुनी रूपमा पक्राउ पुर्जी जारी गरी गरिएको गिरफ्तारीले कानुनी राज्यको उपहास गरेको उल्लेख गर्दै यस्तो कदमले मुलुकलाई द्वन्द्वतर्फ धकेल्ने चेतावनी दिएका छन् । विज्ञप्ति जारी गर्दै कावा अध्यक्ष लामाले अध्यक्ष ओली र लेखक दुवैको गिरफ्तारीलाई गैरसंवैधानिक, गैरराजनीतिक तथा प्रतिशोधपूर्ण कदमको संज्ञा दिँदै उनीहरूलाई अविलम्ब रिहा गर्न सरकारसँग माग गरेको छ। ...