Breaking News 2

३० बैशाख, हेटौँडा । १० बुँदे घोषणापत्र जारी गर्दै २८ वैशाखबाट सुरु भएको तीन दिने बागमती प्रदेश युवा सम्मेलन मंगलबारबाट सकिएको छ। विभिन्न ६ शीर्षकमा प्यानल छलफल गरी सम्मेलनमा उठेका विषयहरूबाट १० बुँदा घोषणापत्र जारी गर्दै सम्मेलन सम्पन्न भएको हो। मंगलबारसम्म चलेको सम्मेलनमा शिक्षा, सिप, उद्यामशीलता र नीति नेतृत्वको विषयमा बहस भएको थियो। ‘सिर्जनशीलता र उद्यमशीलता प्रवर्द्धनः बागमतीमा युवा सशक्तीकरण’ भन्ने मूल नारासहित हेटौँडामा भएको सम्मेलनमा कृषिमा नवप्रर्वतन र युवा संलग्नता सम्भावना र चुनौती, डिजिटल सुशासन र प्रविधिमा युवा, शिक्षा सिप र सिर्जना, दिगो विकासमा जलवायु परिवर्तन र युवा, नीति नेतृत्व र युवा संलग्नता तथा मुख्यमन्त्रीसँग युवालगायतका विषयमा विज्ञहरूसहित प्यानल छलफल गरिएको थियो। सम्मेलनले युवाहरूमा रहेको नवीनतम सोचलाई आर्थिक लाभसँग जोड्न तीन तहको सरकारको समन्वयन र निजी क्षेत्र...

२९ बैशाख, हेटौंडा । बागमती प्रदेशका मुख्यमन्त्री बहादुर सिंह लामाले २५६९ औं बुद्ध जयन्ती तथा किराँत समुदायको महान पर्व उभौलीको अवसरमा शुभकामना व्यक्त गर्दै विविध साँस्कृतिक पर्वहरूले समुदायबीचको एकता बलियो बनाउने विश्वास व्यक्त गरेका छन् । मुख्यमन्त्री लामाले सोमबार शुभकामना सन्देश जारी गर्दै नेपाल बहुजातीय, बहुसाँस्कृतिक तथा बहुधार्मिक मुलुक भएको उल्लेख गर्दै विविधतामा एकता र राष्ट्रिय स्वाभिमानलाई देशको साझा पहिचानका रूपमा प्रस्तुत गरे । सन्देशमा उनले भने, “यस प्रकारको साँस्कृतिक पर्वले प्रदेशको मात्र नभई सिङ्गो देशको साँस्कृतिक विविधतालाई कायम राख्दै नेपाली–नेपालीबीचको एकतालाई थप बलियो बनाउने विश्वास लिएको छु ।” उभौली पर्वको प्रसङ्गमा मुख्यमन्त्री लामाले किराँत समुदायको प्रकृति पुजक परम्परा तथा बाली लगाउने सिजनसँग जोडिएको महत्वको चर्चा गर्दै शुभकामना दिएका छन् । उनले भने, “भूमी, बालीक...

२८ बैशाख, हेटौँडा । पत्रकारको सुरक्षा माग गर्दै प्रेस सेन्टरले बागमती प्रदेश सरकार र जिल्ला प्रशासन कार्यालय मकवानपुरलाई ज्ञापनपत्र बुझाएको छ। आइतबार प्रेस सेन्टर बागमती प्रदेश र मकवानपुर कार्यसमितिले संयुक्त रूपमा पत्रकारको हकहित र सुरक्षाको माग गर्दै आन्तरिक मामिला तथा कानुन मन्त्रालय बागमती प्रदेश र मकवानपुरका प्रमुख जिल्ला अधिकारीलाई ज्ञापनपत्र बुझाएका हुन्। केन्द्रीय कार्यक्रमअनुसार प्रदेश सरकार र प्रमुख जिल्ला अधिकारीलाई आइतबार ज्ञापनपत्र बुझाएको प्रेस सेन्टर बागमती प्रदेशका अध्यक्ष धुव्र अधिकारीले जानकारी दिए। अध्यक्ष अधिकारी नेतृत्वको टोलीले आन्तरिक मामिला तथा कानुन मन्त्रालयका शान्ति सुरक्षा महाशाखा प्रमुख पदम ओझामार्फत मन्त्री सुरजचन्द्र लामिछानेलाई र मकवानपुरका प्रमुख जिल्ला अधिकारी स्किम श्रेष्ठलाई ज्ञापनपत्र बुझाएको हो। पछिल्लो समय सञ्चारकर्मीमाथि हुन थालेका विभिन्न खालक...