हेटौँडा

६ असोज, हेटौंडा । मकवानपुरको हेटौंडा उपमहानगरपालिका–१९ बस्तिपुरस्थित पूर्व–पश्चिम राजमार्गमा सोमबार दिउँसो साढे १ बजे बस, ट्रक र तेल ट्याङकर आपसमा ठोक्किँदा ३१ जना घाइते भएका छन् । इलाका प्रहरी कार्यालय नेवारपानीका अनुसार चितवनबाट बिरगंजतर्फ जाँदै गरेको ना ६ ख २११९ नम्बरको यात्रुबाहक बसको चालक साइडको टायर पड्किएपछि बस अनियन्त्रित बनेको थियो । उक्त बस हेटौंडाबाट चितवनतर्फ जाँदै गरेको ना ६ ख ८१८० नम्बरको मालवाहक ट्रकसँग ठोक्किएको र त्यसपछि सो ट्रक अनियन्त्रित भई काठमाडौंबाट बारातर्फ जाँदै गरेको ना ७ ख १७७४ नम्बरको खाली तेल ट्याङकरमा ठोक्किँदा दुर्घटना भएको हो । दुर्घटनामा घाइते भएका ३१ जनामध्ये २ जनाको अवस्था गम्भीर रहेको प्रहरीले जनाएको छ । अन्य घाइतेहरू मध्यम तथा सामान्य चोटपटकसहित हेटौंडा अस्पताल मकवानपुर र सिएमसी चुरेहिल अस्पतालमा उपचाररत छन् । दुर्घटनापछि इलाका प्रहरी कार्यालय...

२८ भदौ, हेटौँडा । बागमती प्रदेशको राजधानी हेटौँडामा शनिबार बिहानदेखि जनजीवन सामान्य बन्दै गएको छ। जिल्ला प्रशासन कार्यालयले जारी गरेको कर्फ्यु र निषेधाज्ञा हटेपछि सवारीसाधन सञ्चालनमा आएका छन् भने बजार र पसलहरू आंशिक रूपमा खुलेका छन् । यद्यपि शनिबार सरकारी बैंक, वित्तीय संस्था र शैक्षिक संस्थाहरू भने बन्द नै रहेका छन्। गत २३ भदौबाट सुरु भएको जेनजी पुस्ताको आन्दोलन २४ गते हिंस्रक बनेपछि सरकारी, सार्वजनिक तथा निजी सम्पत्तिमा तोडफोड र आगजनीका घटना भएको थियो। त्यसलगत्तै जिल्ला प्रशासन कार्यालयले दिउँसो निषेधाज्ञा र राति कर्फ्यु लागू गरेको थियो। सुरक्षा व्यवस्था कायम राख्न जनपद प्रहरी, सशस्त्र प्रहरी र नेपाली सेनाको संयुक्त उपस्थिति रहेको हेटौँडामा प्रशासनले बिहान ६ बजेदेखि १० बजेसम्म र साँझ ५ देखि ७ बजेसम्म मात्र आवतजावतको अनुमति दिएको थियो। तर, शनिबार बिहानैदेखि बजार क्षेत्रमा चहलपहल ...

२६ भदौ, हेटौँडा । जिल्ला प्रशासन कार्यालय मकवानपुरले जिल्लाको शान्तिसुरक्षा र जनसुरक्षालाई मध्यनजर गर्दै निषेधाज्ञा र कर्फ्यु आदेश जारी गरेको छ । स्थानीय प्रशासन ऐन, २०२८ को दफा ६९६० बमोजिम जिल्ला सुरक्षा समितिको निर्णयअनुसार बिहीबारदेखि लागू हुने गरी आदेश जारी गरिएको हो । जिल्ला प्रशासनले जारी गरेको विज्ञप्तिअनुसार अर्को आदेश जारी नभएसम्म बिहान १० बजेदेखि बेलुका ४ बजेसम्म निषेधाज्ञा रहनेछ । त्यस्तै, बिहान ६ बजेदेखि ९ बजेसम्म कर्फ्यु आदेश लागू हुने जनाइएको छ। साथै अत्यावश्यक कामका लागि बिहान ५ बजेदेखि १० बजेसम्म र बेलुका ४ बजेदेखि ९ बजेसम्म आवतजावत गर्न सकिने व्यवस्था गरिएको छ। निषेधाज्ञा तथा कर्फ्यु अवधिमा सभा, जुलुस, भेला, प्रदर्शन र िडभाड पूर्णतः निषेध गरिएको छ । तर, अत्यावश्यक सेवामा खटिने स्वास्थ्यकर्मी, सुरक्षाकर्मी, सञ्चारकर्मी, दमकल, एम्बुलेन्स, शववाहन, औषधि तथा खाद्यान्न ढु...

२६ भदौ, हेटौँडा । संविधानको रक्षा, संवैधानिक सर्वोच्चता कायम गर्ने तथा राष्ट्रपतिलाई तत्काल सार्वजनिक गर्नुपर्ने मागसहित हेटौँडामा बिहीबार युवाहरूको एक समूहले प्रदर्शन गरेको छ । विशेषगरी कांग्रेस, एमाले र माओवादीसहित विभिन्न राजनीतिक दलसँग आबद्ध युवाहरूको सहभागितामा गरिएको उक्त प्रदर्शनमा सैनिक शासन नमान्ने चेतावनी दिइएको थियो । हेटौँडा उपमहानगरपालिका वढा नम्बर ४ स्थित हुप्र चौरमा भेला भएका युवाहरुले ‘संबैधानिक सर्वोच्चता कायम गर,’ ‘संविधानको रक्षा गर’, ‘राष्ट्रपति सार्वजनिक गर’, ‘सैनिक शासन चाहिदैन’, ‘संसद् विघटन गर्न पाइदैँन, र ‘जेनजीका माग पुरा गर’ जस्ता नारासहित प्रदर्शन गरेका थिए । हुप्रचौरबाट सुरु भएर सिमा चोक पुगेको ¥यालीले २३ भदौमा जेनजी आन्दोलनका क्रममा ज्यान गुमाएका युवाहरुलाई सहिद घोषणा गर्नुपर्ने मागसमेत राखेका थिए । हुप्रा चौरबाट सुरु भएको ¥याली मेनरोड, बैंक रोड हुँदै सि...

२४ भदौ, हेटौँडा । सोमबारबाट सुरु भएको जेनजी पुस्ताको आन्दोलनले मंगलबार उग्र रूप लिँदा बागमती प्रदेशको राजधानी हेटौँडामा रहेका अधिकांश सरकारी कार्यालयहरूमा तोडफोड र आगजनी भएका छन् । बिहान शान्तिपूर्ण रुपमा सुरू भएको प्रदर्शन दिउँसोतिर हिंसात्मक मोडमा परिणत भएको थियो । उनीहरुको तोडफोड र आगजनतीबाट करोडौको धनमाल नष्ट भएको छ भने, सरकारी कागजात जलेर नष्ट भएका छन् । आन्दोलनकारीहरूले बागमती प्रदेश सभा, प्रदेश सरकारका मन्त्रालय, अख्तियार दुरुपयोग अनुसन्धानको कार्यालय, पाटन उच्च अदालत हेटौँडा, मकवानपुर जिल्ला अदालत, राजस्व कार्यलय, लोकसेवा आयोग, हेटौँडा उपमहानगरपालिका, नापी विभाग, सञ्जयकोषको निर्माणधिन भवन, जिल्ला समन्वय समतिको कार्यलय, ४ र १० नम्बर वडा कार्यलयमा तोडफोड र आगजनी भएको छ । आन्दोलनकारीहरुले ती कार्यलयमा प्रवेश गरेर तोडफोड गर्नुका साथै कागजात र सवारीसाधन तथा भौतीक संरचनामा समेत आगो लग...

१६ भदौ, हेटौँडा । मदन भण्डारी स्वास्थ्य विज्ञान प्रतिष्ठान, हेटौँडाअस्पतालको निर्देशक पदमा वरिष्ठ कन्सल्टेन्ट अर्थोपेडिक सर्जन डा। रामचन्द्र सापकोटा नियुक्त भएका छन् । मदन भण्डारी स्वास्थ्य विज्ञान प्रतिष्ठानका उपकुलपति डा. प्रदिप ज्ञवालीको सिफारिसमा बागमती प्रदेशका स्वास्थ्य मन्त्री किरण थापाले सोमबार औपचारिक रूपमा नियुक्ति पत्र प्रदान गरे । उक्त अवसरमा मन्त्री थापाले हेटौँडा अस्पताललाई प्रदेशकै उत्कृष्ट स्वास्थ्य सेवा तथा शिक्षा केन्द्रका रूपमा विकास गर्ने लक्ष्यअनुसार दक्ष नेतृत्वको आवश्यकता भएकाले जिम्मेवारी दिएको बताए । उनले डा. सापकोटा जस्तो अनुभवी र दक्ष चिकित्सकको नेतृत्वमा अस्पतालको सेवा स्तर, शैक्षिक गुणस्तर र बिरामीमैत्री वातावरण हुने विश्वास व्यक्त गरे । चितवन घर भएका वरिष्ठ अर्थोपेडिक सर्जन डा. सापकोटा हाल हेटौँडा अस्पतालका नि. निर्देशकको जिम्मेवारीमा थिए । पोखरास्थित मण...

१३ भदौ, हेटौँडा । बागमती प्रदेशका मुख्यमन्त्री इन्द्रबहादुर बानियाँले प्रदेशलाई ‘मानवताको प्रदेश’ घोषणा गर्ने बताएका छन् । उनले प्रदेशका १३ जिल्लामा सडक तथा सहयोगापेक्षी मानवहरूको व्यवस्थापन गरेर सरकारले ‘मानवताको प्रदेश’ घोषणा गर्ने बताए । हेटौँडामा आयोजित मानवसेवा आश्रमको १३औँ वार्षिक साधारणसभालाई सम्बोधन गर्दै मुख्यमन्त्री बानियाँले मानवसेवा आश्रमको सेवालाई प्रदेशका सबै १३ जिल्लामा विस्तार गर्न सरकारले पूर्ण सहयोग गर्ने बताए । सडआश्रित, बेसहारा तथा असहाय मानिसहरूको उद्धार र संरक्षणमा मानवसेवा आश्रमको कार्य उत्कृट रहेको उनले बताए । ‘एउटा व्यक्तिले सत्य र मानवताको भावले निरन्तर काम गर्दा समाज र सरकारलाई नै घचघच्याउन सक्दो रहेछ । हामी सरकारमा छौँ । हामीले चाहे धेरै गर्न सक्छौँ,’ उनले भने, ‘यसअघि दुईवटा प्रदेशले सडक मानवमुक्त प्रदेश घोषणा गरिसकेको बुझेको छु । अब तेस्रो नम्बरमा बागमती ...