बागमती प्रदेश

११ वैशाख, हेटौँडा । हेटौँडामा अबेर रातसम्म डान्स बार तथा दोहोरी साँझ सञ्चालन गरेको आरोपमा प्रहरीले चार जनालाई नियन्त्रणमा लिएको छ। जिल्ला प्रहरी कार्यालय मकवानपुरका अनुसार बिहीबार राति करिब १२ः४५ बजे नगर क्षेत्रभित्र सञ्चालनमा रहेका विभिन्न डान्स बार तथा दोहोरी साँझमा अनुगमन गर्ने क्रममा बन्द गर्न अटेर गरेपछि उनीहरूलाई नियन्त्रणमा लिइएको हो। प्रहरीले दिएको जानकारी अनुसार हेटौँडा–१० स्थित ब्लुमुन डान्स बारमा कार्यरत २० वर्षीय महेन्द्र गोले, हेटौँडा–४ स्थित लेवल अप डान्स बारका २३ वर्षीय संयोग सुनार, हेटौँडा–१० कै आरआरएस दोहोरी साँझमा कार्यरत २५ वर्षीय सुजन घलान तथा सिरेटो थकाली रोधी गजल घरमा कार्यरत ३० वर्षीय इन्द्रबहादुर ओलीलाई नियन्त्रणमा लिइएको हो। प्रहरीले तोकिएको समयसीमा उल्लङ्घन गरी व्यवसाय सञ्चालन गर्नेहरूमाथि निगरानी तथा कारबाहीलाई थप कडाइ गरिने जनाएको छ। साथै, सार्वजनिक सुरक्ष...

३ वैशाख, हेटौँडा । बागमती प्रदेशका मुख्यमन्त्री इन्द्रबहादुर बानियाँले प्रदेश सरकारमा मन्त्रालयको संख्या घटाउन र औषधीय उपयोगिताका लागि गाँजाको प्रयोगलाई कानुनी अनुमति दिने गरी कानुन बनाउन प्रस्ताव गरेका छन्। सिंहदरबारस्थित प्रधानमन्त्री तथा मन्त्रिपरिषद्को कार्यालयमा बिहीबार भएको छलफलमा मुख्यमन्त्री बानियाँले प्रधानमन्त्री बालेन्द्र शाह ९बालेन०सँग संविधान संशोधन गरेर प्रदेश मन्त्रिपरिषद्को संख्या घटाउनुपर्ने धारणा राखेका हुन्। बानियाँले प्रदेश सभाको कुल सदस्य संख्याको २० प्रतिशतसम्म मन्त्री बनाउन पाउने व्यवस्थाले प्रदेशमा मन्त्रीहरूको संख्या बढी हुने गरेको बताए। त्यसका लागि संविधान नै संशोधन गरेर मन्त्रालयको संख्या सीमित गर्न सकिने धारणा राखेका थिए। ‘प्रधानमन्त्रीसँगको छलफलमा संविधान संशोधन गरेर प्रदेश मन्त्रिपरिषद्को संख्या सीमित गर्न सकिने धारणा राखेको छु,’ बैठकपछि बानियाँले भने...

३ वैशाख, हेटौंडा । भक्तपुरको मध्यपुर थिमीस्थित बोडेमा मनाइने ऐतिहासिक जिब्रो छेड्ने जात्रामा जिब्रो छेडेका सुजन बाग श्रेष्ठलाई बागमती प्रदेश सरकारले नगद दुई लाख रुपैयाँ सहयोग प्रदान गरेको छ । बागमती प्रदेशको संस्कृति तथा पर्यटन मन्त्रालयले मुख्यमन्त्री जोखिम संस्कृति संरक्षण तथा प्रवर्द्धन कार्यक्रमअन्तर्गत उक्त रकमसहित श्रेष्ठलाई सम्मान गरेको हो । मंगलबार आयोजित कार्यक्रममा बागमती प्रदेशका संस्कृति तथा पर्यटन मन्त्री सुरेश श्रेष्ठले उनलाई नगद दुई लाख रुपैयाँ प्रदान गर्दै सम्मान गरेका थिए । वैशाख २ गते आयोजना भएको बोडेको प्रसिद्ध जिब्रो छेड्ने जात्रामा यस वर्षसहित श्रेष्ठले चौथोपटक जिब्रो छेडेका हुन्। प्रदेश सरकारले उक्त जात्राको परम्परा जोगाउन र यसमा सहभागी हुने व्यक्तिलाई प्रोत्साहन गर्न गत वर्षदेखि सहयोग उपलब्ध गराउदै आएको छ। मन्त्री श्रेष्ठका अनुसार जिब्रो छेड्ने परम्परा जोगाइराख्ने...

२८ चैत, हेटौँडा । बागमती प्रदेश सरकारले सार्वजनिक सवारी साधनको नयाँ भाडादर लागू गरेको छ। प्रदेश श्रम, रोजगार तथा यातायात मन्त्रालयले प्रदेश राजपत्रमा सूचना प्रकाशित गर्दै चैत २८ गतेदेखि लागू हुने गरी नयाँ भाडादर कायम गरिएको जनाएको छ। प्रदेशको श्रम, रोजगार तथा यातायात मन्त्रालयमातहतको भाडा निर्धारण तथा समायोजन समितिको शुक्रबार बसेको बैठकले काठमाडौं उपत्यकासहित प्रदेशभर सञ्चालन हुने सवारीसाधनको भाडा वृद्धि गर्न सिफारिस गरेको थियो। सोहि सिफारिस अनुसार बागमती प्रदेश सरकारले सर्वाजनिक भाडादर समायोजन गरेको हो। भाडा निर्धारण तथा समायोजन समितिको सिफारिस अनुसार प्रदेश सरकारले नयाँ भाडा दर प्रदेश राजपत्रमा प्रकाशित गरेसँगै शनिवारदेखिनै लागू भएको हो। नयाँ व्यवस्थाअनुसार काठमाडौं उपत्यकाभित्र सञ्चालन हुने यात्रुवाहक सार्वजनिक सवारीको न्यूनतम भाडा २४ रुपैयाँ कायम गरिएको छ। यसअघि ५ किलोमिटरसम्मको भाड...

२८ चैत, हेटौँडा । चितवन राष्ट्रिय निकुञ्जभित्र गोली लागेर एक पोथी गैँडाको मृत्यु भएको छ । निकुञ्ज सुरक्षामा खटिएका सुरक्षाकर्मीमाथि आक्रमण गरेपछि प्रतिकारस्वरूप चलाइएको गोली लाग्दा करिब २४ वर्ष उमेरको पोथी गैँडाको घटनास्थलमै मृत्यु भएको निकुञ्जले जनाएको छ । निकुञ्जका संरक्षण अधिकृत तथा सूचना अधिकारी अविनाश थापा मगरका अनुसार शुक्रबार दिउँसो नयाँ गोरख गणअन्तर्गत नवलपुर सेक्टरको सेरी सुरक्षा पोष्टबाट पैदल गस्तीमा गएका चार जना सिपाहीमाथि गैँडाले आक्रमण गरेको थियो । घटना अमलटारी सेक्टरबाट करिब पाँच किलोमिटर टाढा निकुञ्जको कोर क्षेत्रमा भएको हो । अर्धवयस्क बच्चासहितको आमा गैँडासँग जम्काभेट भएपछि गैँडाले सिपाहीको टोलीमाथि आक्रमण गरेको थियो । सुरक्षाकर्मीले भाग्ने प्रयास गरे पनि गैँडाले लखेट्न नछोडेपछि सुरुवातमा १० राउन्ड हवाइ फायरिङ गरेको निकुञ्जले जनाएको छ । तर हवाइ फायरिङपछि पनि गैँडाल...

२७ चैत, हेटौँडा । बागमती प्रदेश सरकारले सार्वजनिक सवारी साधनको भाडादर बढाउने तयारी गरेको छ । भाडा निर्धारण तथा समायोजन समितिको शुक्रबार बसेको बैठकले काठमाडौं उपत्यकासहित प्रदेशभर सञ्चालन हुने सवारी साधनको भाडा वृद्धि गर्न सिफारिस गरेको हो । प्रदेश श्रम, रोजगार तथा यातायात मन्त्रालयका महाशाखा प्रमुख प्रविण श्रेष्ठका अनुसार काठमाडौं उपत्यकाभित्र सञ्चालन हुने यात्रुवाहक सार्वजनिक सवारीको भाडा साविकको दरभन्दा २५.९६ प्रतिशतसम्म बढाउन सिफारिस गरिएको छ । त्यसैगरी उपत्यका बाहिर सञ्चालन हुने यात्रुवाहक सवारी साधनको भाडा १७.३५ प्रतिशतले वृद्धि गर्ने प्रस्ताव गरिएको छ । ट्याक्सीको भाडादर १२.३९ प्रतिशतले बढाउने तथा मालवाहक सवारी साधनको भाडा २६।७९ प्रतिशतले वृद्धि गर्ने निर्णय समितिले गरेको उनले जानकारी दिए । ‘प्रदेश भाडा निर्धारणरसमायोजन तथा विद्युतीय माध्यमबाट भाडा भुक्तानी नियमावली २०७८’ को नि...

१३ चैत, हेटौँडा । नवगठित सरकारले २३ र २४ भदौमा भएको घटनासम्बन्धी गौरीबहादुर कार्की नेतृत्वको जाँचबुझ आयोगले पेस गरेको प्रतिवेदन तत्काल कार्यान्वयनमा लैजाने निर्णय गरेको छ। प्रधानमन्त्री बालेन्द्र शाह नियुक्त भएपछि बसेको पहिलो मन्त्रिपरिषद् बैठकले आयोगको प्रतिवेदनअनुसार आवश्यक कदम अघि बढाउने निर्णय गरेको हो। बैठकले सुरक्षा निकायसम्बन्धी विषयमा थप अध्ययन गर्न छुट्टै समिति गठन गर्ने र सो समितिको सिफारिसका आधारमा कार्यान्वयन अघि बढाउने जनाएको छ। अन्य विषय भने प्रतिवेदनअनुसार तत्काल कार्यान्वयनमा लैजाने निर्णय गरिएको छ । मन्त्रिपरिषद्ले सरकारको प्रवक्तामा सस्मित पोखरेल लाई तोकेको छ। प्रवक्ता पोखरेलका अनुसार बैठकले जेन–जी आन्दोलनका क्रममा ज्यान गुमाउनेप्रति श्रद्धाञ्जली अर्पण गर्ने निर्णयसमेत गरेको छ । सरकारले आयोगको प्रतिवेदन कार्यान्वयनलाई प्राथमिकतामा राख्दै घटनासम्बन्धी सत्यतथ्य उजागर ...

६ चेत, हेटौँडा । नेपालका विभिन्न स्थानमा आज र भोलि ठूलो वर्षा र हावाहुरीको सम्भावना रहेको छ। मौसमविद्हरूले देशका धेरै स्थानमा अत्याधिक वर्षा र तीव्र हावाहुरी चल्ने चेतावनी दिएका छन्। मौसम पूर्वानुमान महाशाखाका अनुसार, आज दिउँसोपछि कर्णाली र सुदूरपश्चिम प्रदेशका पहाडी र हिमाली क्षेत्रहरूमा ठूलो वर्षा र हिमपातको सम्भावना छ। यसैगरी, दाङ, नेपालगञ्ज र लुम्बिनी प्रदेशका तराई क्षेत्रहरूमा तीव्र गतिमा हावाहुरी चल्ने अनुमान गरिएको छ। जलवायु विज्ञ उज्जवल उपाध्यायका अनुसार, आज दिउँसोपछि पश्चिमबाट वर्षा गराउने प्रणाली नेपाल प्रवेश गर्ने देखिन्छ। यसले दार्चुला, डडेल्धुरा, हुम्लालगायतका उच्च पहाडी र हिमाली क्षेत्रमा मध्यम वर्षा र हिमपातको संभावना बढाएको छ। यस्तै, बारा र रौतहट क्षेत्रमा स्थानीय मौसमी गतिविधिका कारण साँझतिर केही वर्षा हुने पनि देखिन्छ। साँझ ढल्दै जाँदा धादिङ, उत्तरी चितवन, तनहुँ ...

३० फागुन, हेटौँडा । हेटौँडा उपमहानगरपालिका वडा नम्बर ४ का वडा अध्यक्ष नविन सिग्देलले मदन भण्डारी स्वास्थ्य विज्ञान प्रतिष्ठानलाई राजनीतिक खेल मैदान नबनाउन आग्रह गरेका छन्। प्रतिष्ठानमार्फत स्वास्थ्य सेवा, अध्यापन र अनुसन्धान क्षेत्रमा उल्लेखनीय प्रगति भएको भन्दै त्यसलाई कमजोर बनाउने प्रयास नगर्न उनले सबै पक्षलाई अपिल गरेका हुन्। वडा अध्यक्ष सिग्देलले करिब ६ वर्षअघि हेटौँडा अस्पतालको अवस्था कमजोर रहेको स्मरण गर्दै त्यसबेला दैनिक करिब २०० बिरामी आउने, ५० शय्याको अस्पतालमा १५–१६ जना डाक्टर र ४५ जना नर्सको दरबन्दी मात्र रहेको बताए। त्यतिबेला अस्पताललाई मुख्यतः बिरामी रिफर गर्ने केन्द्रका रूपमा मात्र हेरिने गरिएको उनको भनाइ छ। उनका अनुसार बागमती प्रदेशका तत्कालीन मुख्यमन्त्री डोरमणि पौडेलको पहलमा २०७६ सालमा मदन भण्डारी स्वास्थ्य विज्ञान प्रतिष्ठान स्थापना भएपछि अस्पतालको स्तरमा उल्लेखनीय ...

३० फागुन, हेटौँडा । बागमती प्रदेशमा मन्त्रालयको संख्या घटाएर आठमा सीमित गर्न तथा ७०१ कर्मचारी दरबन्दी कटौती गर्नुपर्ने सुझाव दिइएको छ । हाल मुख्यमन्त्री तथा मन्त्रिपरिषद्को कार्यालयसहित १४ मन्त्रालय र पाँच हजारभन्दा बढी कर्मचारी दरबन्दी छ । प्रदेश प्रशासनिक पुनर्संरचना पुनरावलोकन अध्ययन तथा सुझाव समितिले संरचना र कर्मचारीको बोझिलो संरचना कटौती गर्दै प्रशासनिक संरचना पुनर्संरचना गर्न सरकारलाई सुझावसहित प्रतिवेदन प्रदेश सरकारलाई बुझाएको हो । पूर्वसचिवसमेत रहेका समितिका संयोजक विमल वाग्लेले बुधबार मुख्यमन्त्री इन्द्रबहादुर बानियाँ र उच्चस्तरीय प्रदेश प्रशासनिक पुनर्संरचना निर्देशक समितिका संयोजक तथा कृषिमन्त्री मधुसूदन पौडेललाई प्रतिवेदन हस्तान्तरण गरे । समितिले मन्त्रालय र कार्यान्वयन इकाइबिच अनावश्यक संरचना भए हटाउनुपर्ने सुझाव दिएको छ । प्रदेश दुग्ध विकास बोर्ड र सञ्चार रजिस्ट्रार का...