त्रिशुली किनारमा बस खस्दा १७ जनाको मृत्यु, २७ घाइते
११ फागुन, हेटौंडा । पोखराबाट काठमाडौँतर्फ आउँदै गरेको ग २ ख १४२१ नम्बरको बस गएराति करिब साढे १ बजे दुर्घटनामा परेको हो। बस सडकबाट करिब तल त्रिशुली किनारमा खसेको प्रहरीले जनाएको छ।
जिल्ला प्रहरी कार्यालय धादिङका प्रहरी उपरीक्षक सुमित खड्काका अनुसार दुर्घटनामा परी १७ जनाको घटनास्थलमै मृत्यु भएको छ भने २७ जना घाइते भएका छन्। बसमा चालकसहित ४४ जना सवार रहेका थिए।
घाइतेहरूको घटनास्थलबाट तत्काल उद्धार गरी बेनीघाट आसपासका स्वास्थ्य संस्थामा प्राथमिक उपचार गरिएको र थप उपचारका लागि काठमाडौँ पठाइएको प्रहरीले जनाएको छ।
दुर्घटनाको कारण खुल्न बाँकी रहेको प्रहरीले बताएको छ। रातिको समय, मोड र सडक अवस्थाका कारण दुर्घटना भएको हुनसक्ने प्रारम्भिक अनुमान गरिएको छ।
प्रहरीले मृतकको सनाखत प्रक्रिया अघि बढाएको तथा दुर्घटनाबारे थप अनुसन्धान भइरहेको जनाएको छ।...
