एमाले अध्यक्ष एवं पूर्वप्रधानमन्त्री ओली र लेखक पक्राउ
१४ चैत, हेटौँडा । केपी शर्मा ओली र नेपाली कांग्रेसका नेता तथा पूर्वगृहमन्त्री रमेश लेखक पक्राउ परेका छन् । भदौ २३ र २४ गते ‘जेन–जी’ नाममा भएको आन्दोलनसँग सम्बन्धित घटनाको अनुसन्धानका क्रममा उनीहरूलाई नियन्त्रणमा लिइएको हो ।
घटनाबारे छानबिन गर्न गठित कार्की आयोगको प्रतिवेदन सार्वजनिक नहुँदै ओली र लेखकलाई शनिवार बिहान् पक्राउ गरिएको हो । प्रहरी स्रोतका अनुसार आवश्यक अनुसन्धानका लागि कानुनी प्रक्रिया पूरा गरी दुवै जनालाई नियन्त्रणमा लिइएको हो ।
ओली र लेखकको पक्राउसँगै देशको राजनीतिक वृत्तमा तरंग पैदा भएको छ । समर्थकहरूले घटनाको विरोध जनाएका छन् । नेपाल कम्युनिस्ट पार्टी एमाले लगायतका दलहरूले पक्राउको विरोध गर्दै तत्काल रिहाइको माग गरेका छन् । उनीहरूले उक्त कदमलाई राजनीतिक प्रतिशोधका रूपमा व्याख्या गरेका छन् ।...
