८ जेड, हेटौँडा । सामाजिक बेथिती प्रति प्रहारगर्दै समाजलाई सकारात्मक सोचका साथ अघि बढाउनका लागि हेटौंडा उपमहानगरकाका बिभिन्न वडाहरुमा सचेतना मुलक सडक नाटक प्रस्तुत गरीएको छ ।
हेटौंडा उपमहानगरपालिका र आर्जन ईन्टरटेन्टमेन्ट एण्ड एड्भरटाईजि·को सहकार्यमा उपमहानगरका बिभिन्न वडाहरुमा राष्ट्रिय कलाकारहरुको टोलीले बैदेशिक रोजगारीले समाजमा पार्ने नकारात्मक प्रभाव, लागु औषध दुव्र्यसनको प्रभाब र इन्टरनेटको माध्यमबाट हुने दुव्र्यवहारको बारेमा सडक नाटक मार्फत सचेतना फैलाउन खोजिएको हो ।
बुधबार हेटौंडा–१६ को जनप्रिय र १८ को ज्योति माध्यमिक बिद्यालय, बिहीवार हेटौंडा–१३ को महेन्द्र र १४ को जनज्याोति माध्यमिक बिद्यालयमा सडक नाटकको आयोजना भएकोमा शक्रबार हेटौंडा–३ को महेन्द्र किरण माध्यमिक बिद्यालय, आइतबार हेटौंडा–८ को चन्द्रोदय र १५ को चुरीयामाई माध्यमिक बिद्यालयमा सडक नाटब प्रस्तुत हुने उपमहानगरले जनाएको छ ।
बिहीबार हेटौंडा– १४ को जनज्योतीमा भएको सडक नाटक नगर प्रमुख मीनाकुमारी लामाको प्रमुख आतिथ्यतामा भएको थियो । नाटकको समिक्षा गर्दै नगर प्रमुख लामाले समाजमा भएको बेतिथीहरुलाई यस्ता प्रस्तुति मार्फत उजागर गर्दै सकारात्मक सन्देश दिने उद्देश्यले कार्यक्रम सञ्चालन गरीएको बताइन् । हामि केवल भौतीक बिकासमा मात्र केन्द्रीत नभएको भन्दै नगरवासीको मानिसिक बिकासका लागि पनि काम गरीरहेको बताइन् ।
बिद्यालय व्यवस्थापन समितिका अध्यक्ष रामचन्द्र ढु·ानाको अध्यक्षतामा भएको कार्यक्रममा उपमहनगरपालिकाका उपप्रमुख राजेश बानियाँ, १४ नम्बरका वडा अध्यक्ष दिपक खड्का, उपमहानगरका सामाजिक बिकास महाशाखा प्रमुख भिमप्रसाद तिमल्सिना लगाएतको आतिथ्यता रहेको थियो ।
सडक नाटकमा बिष्णु सापकोटा (लाहुरे बा), अस्मिता बस्नेत (थुम्की), शिबहरी नेपाल (ठेकेदार), गुणाखर अधिकारी (पुछारे), युनिसा बानियाँ (चुचु) र कुवेर मोक्तान (बाख्रे) को अभिनय रहेको छ ।
Hetauda Live ले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।