हेटौँडा उपमहानगरको ‘न्यायिक दपर्ण’ बिमोचन

१८ असार, हेटौँडा । हेटौंडा उपमहानगरपालिकाको न्यायीक समितिले प्रकाशन गर्ने ‘न्यायीक दपर्ण’ को बिमोचन गरीएको छ । उपमहानगर भित्र भएको न्यायीक गतिबिधी समेटेर प्रकाशन गरीएको न्यायीक दपर्णको बुधबार उप प्रमुख तथा न्यायीक समितिका संयोजक राजेश बानियाँले बिमोचन गरेका हुन् ।

उपमहानगरपालिकाको न्यायिक समितिको स्वीकृत बार्षिक कार्यक्रम अन्तर्गत भएको मेलमिलापकर्ताहरुको बार्षिक समीक्षामा दपर्णको बिमोचन गरीएको हो । दपर्णको बिमोचनसँग उपप्रमुख बानियाले न्यायिक समितिको प्रभावकारी कार्य सम्पादनमा मेलमिलापकर्ताहरुको भुमिका प्रशंसनीय रहेको र आगामी दिनमा थप उच्च मनोबल राखेर काम गर्न निर्देशन दिए ।

कार्यक्रमा न्यायिक समिति मातहत रहेका सबै केन्द्रहरूको कार्य सम्पादनको प्रगति अवस्थाको प्रस्तुति एवम् थप व्यवस्थित गर्ने विषयमा छलफल भएको थियो । कार्यक्रमा सहभागी मेलमिलापकर्ताहरुलाई सुरक्षित बैदेशिक रोजगारीमा मेलमिलापकर्ताको भूमिकाका बिषयमा अभिमुखीकरण समेत गरिएको थियो ।

न्यायिक समितिका सदस्य ज्ञानबहादुर थापाको अध्यक्षतामा भएको कार्यक्रममा उपमहानगरका प्रमुख प्रशासकीय अधिकृत भरत गौतम, समितिका सदस्य सन्तुमाया पाख्रीन, उपमहानगरका सामाजिक बिकास महाशाखा प्रमुख डा. भीमप्रसाद तिमल्सिना, कानुनी सल्लाहकार वरिष्ठ अधिबक्ता ईश्वरराज ढकाल, शाखा प्रमुखहरु लक्ष्मण मैनाली, गंगाकुमारी चौलागाईं लगायतका कर्मचारीहरु, साहित्यिक तथा धार्मिक व्यक्तित्व हयग्रीब आचार्य, उपमहानगरका ११ वटै मेलमिलाप केन्द्रका संयोजकहरू र सूचीकृत मेलमिलापकर्ताहरुको उपस्थिति थियो ।

कार्यक्रममा प्रमुख प्रशासकीय अधिकृत भरत गौतम, समिति सदस्य सन्तुमाया पाख्रीन, महाशाखा प्रमुख डा. भीमप्रसाद तिमल्सिना, साहित्यकार हयग्रीब आचार्य लगायतले मन्तव्य तथा सुझाव राखेका थिए ।