१
२५ साउन, हेटौँडा । बागमती प्रदेशका मुख्यमन्त्री इन्द्रबहादुर बानियाँलाई विश्वासको मत दिलाउन नेकपा एमाले बागमती प्रदेश संसदीय दलले आफ्ना सांसदलाई ह्विप जारी गरेको छ। दलका प्रमुख सचेतक एकालाल श्रेष्ठले आइतबार सूचना जारी गर्दै आगामी साउन २७ गते बस्ने प्रदेशसभा बैठकमा अनिवार्य रूपमा उपस्थित भई मुख्यमन्त्रीको पक्षमा मतदान गर्न निर्देशन दिएका हुन्।
मुख्यमन्त्री बानियाँले साउन २७ गते मंगलबार दिउँसो ४ बजे बस्ने प्रदेशसभा बैठकमा नेपालको संविधानको धारा १६८९४० तथा प्रदेशसभा नियमावली, २०७४ को नियम १४३९१० अनुसार विश्वासको मत लिने कार्यसूची तय भएको छ। बैठकअघि दिउँसो १ बजे एमाले संसदीय दलको बैठक दलको कार्यालयमा बस्ने भएकाले सबै सांसदलाई समयमै उपस्थित हुन भनिएको छ।
यसअघि नेपाली कांग्रेसले पनि आफ्ना सांसदलाई विश्वासको मत दिन ह्विप जारी गरिसकेको छ। शनिबार कांग्रेस बागमती प्रदेश संसदीय दलका सदस्य सचिव मीनकृष्ण महर्जनले सूचना जारी गर्दै सबै सांसदलाई अनिवार्य रूपमा उपस्थित भई छलफलमा सहभागी हुन निर्देशन दिएका थिए।
कांग्रेसका प्रदेश सभापति समेत रहेका मुख्यमन्त्री बानियाँ आफ्नै दलका ३७ र सत्ता साझेदार एमालेका २७ सांसदको समर्थनमा सरकार गठन गरेका हुन्। ११० सदस्यीय बागमती प्रदेशसभामा विश्वासको मत पाउन ५६ मत आवश्यक पर्नेछ।
Hetauda Live ले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
