१
४ फागुन, हेटौँडा । आसन्न प्रतिनिधिसभा सदस्य निर्वाचनलाई लक्षित गर्दै नेपाली कांग्रेसले हेटौँडा–४ मा निर्वाचन सम्पर्क कार्यालय सञ्चालनमा ल्याएको छ। मंगलबार आयोजित कार्यक्रमका बीच कांग्रेसको तर्फबाट मकवानपुर क्षेत्र नम्बर १ की प्रतिनिधिसभा सदस्य उम्मेदवार महालक्ष्मी उपाध्याय ‘डिना’ले कार्यालय उद्घाटन गरेकी हुन् ।
हेटौँडा–४ स्थित हुप्रचौरको दक्षिणतर्फ रहेको एक घरमा वडा नम्बर ४ को निर्वाचन सम्पर्क कार्यालय स्थापना गरिएको हो। कार्यक्रममा बोल्दै उम्मेदवार डिनाले अहिले गाउँदेखि शहरसम्म कांग्रेसको पक्षमा सकारात्मक माहौल बनेको दाबी गरिन्।
‘विशेष महाधिवेशनपछि कांग्रेस बद्लिएको छ। बद्लिएको कांग्रेसले देश बदल्ने स्पष्ट योजनासहित निर्वाचनमा होमिएको छ,’ उनले भनिन्, ‘अहिले कतै गठबन्धन छैन। कांग्रेसले कांग्रेसलाई नै मत दिन पाउने अवस्था बनेको छ।’
डिनाले आफू अघिल्लो निर्वाचनमा पराजित भए पनि मकवानपुरको विकास र समृद्धिका लागि निरन्तर सक्रिय रहेको उल्लेख गरिन्। जनताबाट अनुमोदित भई जनताकै काम गर्न पुनः उम्मेदवार बनेको उनको भनाइ थियो।
नेपाली कांग्रेस हेटौँडा–४ का वडा सभापति हरि पौडेलको अध्यक्षतामा सम्पन्न कार्यक्रममा कांग्रेसका समानुपातिक उम्मेदवार पवित्रा विश्वकर्मा, बागमती प्रदेश सदस्य प्रदीप कोइराला, हेटौँडा उपमहानगर सभापति उत्सव इटेनी लगायतका नेताहरूको उपस्थिति रहेको थियो।
प्रतिनिधिसभा सदस्य निर्वाचन नजिकिँदै जाँदा कांग्रेसले मकवानपुरमा आफ्नो चुनावी अभियानलाई थप तीव्र बनाएको जनाएको छ।
Hetauda Live ले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
