कांग्रेसको दोस्रो विशेष महाधिवेशनमा ६२ प्रतिशतभन्दा बढी प्रतिनिधिको नाम दर्ता
२७ पुस, हेटौंडा । नेपाली कांग्रेसको दोस्रो विशेष महाधिवेशन आजदेखि काठमाडौंको भृकुटीमण्डपमा सुरु भएको छ। महाधिवेशनको पहिलो दिन कुल महाधिवेशन प्रतिनिधिमध्ये ६२ प्रतिशतभन्दा बढीले आफ्नो नाम दर्ता गराएका छन्।
आज आइतबार बिहान सवा ८ बजेदेखि सुरु भएको नाम दर्ता प्रक्रिया उद्घाटन सत्र समापन हुँदासम्म ६२.४ प्रतिशत पुगेको हो। उक्त तथ्यांक उद्घाटन सत्रको कार्यक्रमका उदघोषकले नेता गगन थापाको मन्तव्यलगत्तै सार्वजनिक गरेका थिए।
नेपाली कांग्रेसका अनुसार देशभरबाट कुल ४ हजार ७ सय ४३ जना महाधिवेशन प्रतिनिधि छन्। यसमध्ये ६२.४ प्रतिशत अर्थात् करिब ३ हजार प्रतिनिधिले पहिलो दिनमै नाम दर्ता गराएका हुन्।
कांग्रेस केन्द्रीय सदस्य अजयबाबु शिवाकोटीले दोस्रो विशेष महाधिवेशनको बन्द सत्र भोलि बिहान ८ बजेदेखि सुरु हुने जानकारी दिए। बन्द सत्रमा पार्टीको संगठनात्मक संरचना, समसामयिक राजनीति तथा भावी कार्यदिशाका वि...
