१
६ फागुन, हेटौँडा । हेटौँडा उपमहानगरपालिका वडा नम्बर–६ शान्तिटोलमा रहेको शान्तिटोल टोल विकास संस्थाले फागुन ७ गतेदेखि शुरु गर्न लागेको श्रीमद्भागवत सप्ताह ज्ञान महायज्ञको सम्पूर्ण तयारी पूरा भएको छ ।
संस्थाले पत्राचार, प्रचार प्रसार, टेन्ट निर्माण लगायतका कामहरु सम्पन्न गर्नुका साथै महायज्ञमा सहभागी हुन सबैलाई अनुरोध समेत गरेको हो । विपी गणेशमान स्मृति पार्कमा राधाकृष्णको मन्दिर निर्माण र ज्येष्ठ नागरिक भवन निर्माण गर्नको लागि महायज्ञ लगाउन लागिएको कोषाध्यक्ष पूर्णभद्र चौलागाईले बताए ।
फागुन ७ गते विहान ७ बजे बंशगोपाल मन्दिरबाट कलश यात्रा गरिने आयोजकले बताए । महायज्ञको उदघाटन नेपाली कांग्रेस बागमती प्रदेशका सभापति एवं प्रदेशसभा सदस्य ईन्द्रबहादुर बानियाँले गर्ने कार्यक्रम रहेको छ ।
महायज्ञ सफल बनाउन टोल विकास संस्थाका अध्यक्ष केशव धितालको संयोजकत्वमा १ सय ९५ सदस्यीय मुल आयोजक समित गठन गरिएको छ ।
Hetauda Live ले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
