बागमती गोल्डकपः संकटालाई रोक्दै एपीएफ सेमिफाइनलमा

७ फागुन, हेटौँडा । मकवानपुरको बागमती गाउँपालिकामा जारी सातौं बागमती गोल्डकप फुटबल प्रतियोगिताको निकै प्रतिस्पर्धात्मक खेलमा ‘ए’ डिभिजन क्लब संकटालाई रोक्दै एपीएफ क्लब सेमिफाइनल प्रवेश गरेको छ । जारी प्रतियोगिताको बुधबारको खेलमा विभागीय टोलि सशस्त्र प्रहरी बलको एपीएफ क्लबले संकटालाई १–० गोल अन्तरले हरायो ।

पहिलो हाफ गोल रहित बराबरी भएको खेलमा एपिएफले जितका लागि दोस्रो हाफको ८३ औं मिनेटसम्म कुर्नुप¥यो । एपिएफको जितका लागि सुजन कुमार पुलामीले गोल गरे । उनी खेलको ८१ औं मिनेटमा अनिष महर्जनको स्थानमा सब्टिच्युट खेलाडीका रुपमा मैदान छिरेका थिए ।

बुधबारको खेलको म्यान अफ द म्याच एपीएफका मणि कुमार लामा घोषित भए । उनले नगद १० हजार रुपैयाँसहित ट्रफि प्राप्त गरे । जारी प्रतियोगितामा एपिएफले चितवनको हानामीलाई हराउँदै क्वाटरफाइनलमा पुग्दा संकटा भने वाई पाएर सिधै क्वाटरफाइनलमा स्थान बनाएको थियो ।

गोल्डकपमा संकटा र एपीएफ यसअघिका संस्करणको उपविजेता टोलिहरु हुन् । एपीएफ छैठौं संस्करणमा मछिन्द्र क्लबसँग पराजित हुँदै उपविजेता सिमति भएको थियो भने संकटा पाँचौ संस्करणमा क्यामरुनको भुटनिज स्पोट्र्ससँग पराजित हुँदै उपाधि उचाल्नबाट वन्चित भएको थियो ।

१२ फागुनसम्म चल्ने प्रतियोगिताको उपाधि विजेताले १० लाख र उपविजेताले ५ लाख रुपैयाँ नगद पुरस्कार प्राप्त गर्नेछन् । यस्तै प्रतियोगिताको सर्वोत्कृट खेलाडीलाई १ लाख १ हजार तथा विधागत उत्कृष्ट खेलाडीलाई जनही २५ हजार, प्रत्येक खेलका म्यान अफ दी म्याचलाई १० हजार रुपैंया सहित शिल्ड प्रदान गरिने छ ।