१
१२ फागुन, हेटौंडा । बागमती प्रदेश सरकारको चेपाङ अवास कार्यक्रम अन्तर्गत मकवानपुरको कैलाश गाउँपालिकामा चेपाङ समुदायका ६ जनाले आवास निर्माणको लागि सम्झौता गरेका छन् ।
सोमबार गाउँपालिकाका अध्यक्ष लोकबहादुर मुक्तानको अध्यक्षतामा बसेको बैठकले लाभग्राही रहेका चेपाङ समुदयाका ६ जनाले सम्झौता गरेका हुन् । बागमती प्रदेश सरकारबाट चेपाङ, वनकरिया, बोटे, माझीको एकीकृत बस्ती तथा आवास कार्यक्रम अन्तरगत उक्त सम्झौता गरिएको हो । लाभग्राहीलाई लक्षित गर्दै गाउँपालिका अध्यक्ष मुक्तानले कार्यालयको मापदण्ड अनुरुप घर बनाउनु भन्दै गर्दै समयमै निर्माण सम्पन्न गर्न आग्रह गरेका छन् ।
सम्झौता गर्ने काम नगर्ने कसैलाई छुट नभएके भन्दै उनले आफु बस्ने गरी आवास बनाउन आग्रह गरे । ‘राज्यले घर बनाउनको लागि लगानी गरी सहयोग गरेको हो । काम गर्दा प्राविधिक पक्षलाई पनि ख्याल गर्दै काम गरिनुपर्छ, उलने भने, ‘राज्यको लगानी सदुपयोग हुने गरी आफै बस्नका लागि आवास बनाउ ।’
प्रदेश सरकारले कार्यविधि बनाएरै बस्ती तथा आवास निर्माण कार्य सुरु गरेको छ । सिफारिस माग भए बमोजिम चालु आवमा कैलाश गाउँपालिकाको वडा नम्बर ३ का तीन जना र वडा नम्बर ४ का तीन जना गरी ६ जनाको नाम सिफारिस भएको अध्यक्ष मुक्तानले जानकारी दिए । यसअघि गत आवमा २५ जनाले सम्झौता गरेको थिए ।
अध्यक्ष मोक्तानका अनुसार लाभग्राहीले १२÷१२ को दुई कोठे घर निर्माण गर्नुपर्ने मापदण्ड रहेको कैलाशका फोकल पर्सन सुर्दशन दवाडीले जानकारी दिए । दुई कोठे भवन सँगै सम्झौता अनुरुप शौचालय समेत निर्माण गरिनुपर्ने उनको भनाई छ । उनले लाभग्रहीले तीन किस्तामा गरी तीन लाख ८४ हजार रुपैयाँ प्राप्त गर्नेछन् ।
Hetauda Live ले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
