बागमतीका सहकारी मन्त्रीका स्वकीयको शंकास्पद मृत्यु

१३ फागुन, हेटौँडा । बागमती प्रदेशका सहकारी तथा गरिवी निवारण मन्त्री मदुकुमार श्रेष्ठका स्वकीय सचिव रवि थापाको मृत्यु भएको छ । सोमबार काठमाडौं कालिमाटी स्थित कलंकी स्थित सहिद मेमोरियल अस्पतालमा उपचारको क्रममा उनको मृत्यु भएको हो ।

थापाले सोमबार आफ्ना साथिको कोठामा विषादी सेवन गरेको प्रहरी परिसर काडमाडौंका प्रहरी उपरिक्षक अपिलराज बोहराले जानकारी दिए । कोठामा अचेत अवस्थामा फेला परेका थापालाई तत्काल अस्पताल लगिएको थियो ।

धादिङ धुनीबेशी–९ घर भएका ३६ वर्षीय थापाले आफ्ना साथि धुनिवेशी–८ घर भइ हाल काठमाडौं–१४ लिगमार्ग कलंकीमा बस्ने वर्ष २१ को शिव कुँवरको डेरामा दिउँसो २ बजे विषदी सेवन गरेको प्रहरी उपरिक्षक बोहराले जानकारी दिए । उनका अनुसार कोठामा कोहि नभएको अवस्थामा उनले विषादी सेवन गरेको प्रहरीको भनाई छ ।

कोठामा थापाका दाई पुग्दा अचेत अवस्थामा भेटिएपछि उनलाई तत्काल उपचारको लागि कलंकी स्थित सहिद मेमोरियल अस्पताल पु¥याइएको थियो । उपचारको क्रममा सोमबार साँझ ६ः३८ बजेको समयमा चिकीत्सकले थापालाई मृत घोषणा गरेको एसपी बोहराले जानकारी दिए ।

मृतक थापाको साथबाट एक पेजको पत्र समेत बरामद भएको छ । पत्रमा सहकारीको पैसा लनदेनको विषयमा आफूलाई जोडिएको र त्यसले आफ्नो वेइज्जत भएको उल्लेख गरिएको उपरिक्षक बोहराले बताए । स्वकीय थापाको अडियोमा उल्लेख भएको सुमेरु सहकारीलाई मन्त्रालयले गत पुस २८ मा समस्याग्रस्त सहकारी घोषणा गरेको थियो ।