१
२५ फागुन, हेटौँडा । मकवानपुर प्रहरीले साढे दुई किलोभन्दा बढी लागुऔषध अफिमसहित एकजना मानिसलाई पक्राउ गरेको छ । पक्राउ पर्नेमा मनहरी गाउँपालिका– ८ का ३२ वर्षीय राजकुमार तामाङ रहेका छन् । उनको साथबाट दुई किलो ५३० ग्राम लागुऔषध अफिम फेला परेको हो ।
प्रहरीले मनहरी– ८ स्थित भित्री सडक खण्डमा पर्ने देवकोटबाट मेनरोडतर्फ आउँदै गरेको समयमा तामाङलाई पक्राउ गरिएको मकवानपुर प्रहरी प्रवक्ता डिएसपी श्यामु अर्यालले जानकारी दिए । शंकाको भरमा तामाङ चढेको ग.६प ४५८४ न. को मोटरसाइकल रोकी जाँच गर्दा मोटरसाइकलको लेगार्डमा प्लास्टिकभित्र लुकाएर ल्याएको अवस्थामा उक्त परिमाणको लागुऔषध अफिम फेला परेको प्रवक्ता अर्यालले बताए ।
लागुऔषध अफिम तथा मोटरसाइकलसमेत बरामद गरी निज तामाङलाई मकवानपुर जिल्ला अदालत हेटौँडाबाट आठ दिनको म्याद अनुमति लिई थप अनुसन्धान कार्य भइरहेको उनले बताए ।
Hetauda Live ले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
