प्रदेशको स्वास्थ्य क्षेत्रमा उल्लेख्य प्रगतिः मन्त्री थापा

५ चैत, हेटौँडा । बागमती प्रदेशका स्वास्थ्य मन्त्री किरण थापाले प्रदेश सरकारले स्वास्थ्य क्षेत्रमा गरेको लागानीको प्रतिफल अनुसार प्रदेशका दुरदराजका नागरिकको स्वास्थ्य सेवामा पहुँच बृद्धि भएको दावी गरेका छन् । उनले प्रदेशको स्वास्थ्य क्षेत्रको विकासमा पछिल्लो समय महत्वपूर्ण उपलब्धी हासिल भइरहेको दावी गरेका हुन् ।

स्वास्थ्य मन्त्रालयको आर्थिक वर्ष २०८१÷०८२ को अर्धवार्षिक समिक्षा तथा आगामी आर्थिक वर्ष २०८२÷०८३ को योजना तर्जुमा गोष्ठिको समापन सत्रलाई सम्बोधन गर्दै मन्त्री थापाले नागरिक लक्षित सेवा प्रवाहमा प्रदेश सरकारले जोड दिएको बताए । उनले प्रदेश सरकारले ग्रामिण भेगका नागरिकको पहुँचमा गुणस्तरिय स्वास्थ्य सेवा पु¥याउने गरी स्थानीय स्तरको स्वास्थ्य संस्थाको स्तरोन्नतीमा काम गरेको बताए ।

‘प्रदेशका आम नागरिकलाई गुणस्तरिय स्वास्थ्य सेवाको पहँुच सुनिश्चितताका लागि जनशीक्त र स्वासथय उपकरणको व्यवस्थापन सहित गर्ने काम गरिरहेका छौं । स्थानीय स्तरका ५ स्वास्थ्य संस्थालाई प्रादेशिक अस्पतालको रुपमा विकास गर्नेगरी प्रक्रिया अघि बढाइएको छ,’ उनले भने, ‘टेलिमेडिसिन मार्फत् प्रादेशिक अस्पताल र प्रदेशको प्रविधियुक्त स्वास्थ्य संस्थामा जोडेर दुरदराजका नागरिकलाई विशेषज्ञ डाक्टर सहितको सेवा प्रदान गर्ने तयारी भइरहेको छ ।’

मन्त्री थापाले मन्त्रालय स्वास्थ्य सेवामा पेपर लेस प्रविधिको प्रयोगमा अग्रसर भइरहेको पनि बताए । मन्त्रालयले नीति स्वास्थ्य संस्थाको दर्ता नविकरण लगायतका कार्य अनलान मार्फत् गर्नेगरी प्रविधिको प्रयोगमा ल्याएको उनको भनाइ छ । प्रदेश मातहतका विभिन्न अस्पतालहरुमा बिरामीको चाप व्यवस्थापन गर्न अनलाइन मार्फत् टिकट तथा रिपोर्ट लिने व्यवस्था मिलाइएको उनले जानकारी दिए ।

बागमतीका स्वास्थ्य संस्थाहरु अनलाइनबाटै दर्ता तथा नविकरण गर्न सकिने
बागमती प्रदेशका नीजि अस्पताल तथा स्वास्थ्य संस्थाहरुको दर्ता तथा नविकरण अबदेखि अनलाइनबाटै हुने भएको छ । उक्त व्यवस्थाको प्रदेशका स्वास्थ्य मन्त्री किरण थापाले मंगलबार एक कार्यक्रमकाबीच सुभारम्भ गरेका हुन् ।

हेटौँडामा भएको मन्त्रालयको चालु आर्थिक वर्षको अर्धवार्षिक समिक्षा गोष्ठि तथा आगामी आवको योजना तर्जुमा गोष्ठिको अवसरमा मन्त्री थापाले प्रदेशका १३ वटै जिल्लामा सञ्चालित नीजि अस्पताल तथा स्वास्थ्य संस्थाहरुको दर्ता, नवीकरण र स्तरोन्नतिका लागि ‘अनलाइन’ बाटै आवेदन दिन सकिने व्यवस्थाको सुभारम्भ गरेका हुन् ।
मन्त्रालयले निजीस्तरका अस्पताल तथा स्वास्थ्य संस्थाहरु दर्ता, नवीकरण र स्तरोन्नति हुनु अगाडि सम्बन्धित निकायबाट हुने अनुगमनमा आर्थिक चलखेलको आरोप लागेपछि अनलाइनबाटै आवेदन दिने गरी सेवा सञ्चालनमा ल्याएको जनाएको छ ।

मन्त्री थापाले देशभरमा नै पहिलो पटक प्रदेश सरकारले प्रदेशभित्रका स्वास्थ्य संस्थाहरुको दर्ता, नवीकरण र स्तरोन्नतिका लागि अनलाइन सेवा सुरु गरेको जानकारी दिए । उनले अनलाइनबाट आवदेन दिएपछि मापदण्ड पूरा भए÷नभएको हेरेर दर्ता, नवीकरण र स्तरोन्नति गरिने बताए । मापदण्ड पूरा नगरेका स्वास्थ्य संस्थाहरूको हकमा मन्त्रालयले ६ महिनाको समय थप दिने, ६ महिनाभित्र पनि मापदण्ड पूरा नगर्नेहरूको दर्ता, नवीकरण नगरिने र सेवा बन्द गर्ने÷गराउने प्रक्रियामा जाने उनको भनाई छ ।