अब सरकारी कार्यालय र विद्यालयमा हप्तामा दुई दिन बिदा
२२ चैत , हेटौंडा । सरकारले सरकारी कार्यालय र शैक्षिक संस्थामा हप्तामा दुई दिन बिदा दिने निर्णय गरेको छ।
आइतबार बसेको मन्त्रिपरिषद् बैठकपछि निर्णय सार्वजनिक गर्दै सरकारका प्रवक्ता तथा शिक्षामन्त्री सस्मित पोखरेलले अबदेखि शनिबार र आइतबार दुई दिन बिदा रहने जानकारी दिएका हुन्।
उनका अनुसार सरकारी कार्यालयको कार्यसमय बिहान ९ बजेदेखि बेलुका ५ बजेसम्म कायम गरिएको छ।
पेट्रोलियम पदार्थको आपूर्तिमा देखिएको असहजताका कारण ऊर्जा खपत घटाउने उद्देश्यले यस्तो निर्णय गरिएको मन्त्री पोखरेलले बताए।
सरकारको यो निर्णय लागू भएसँगै देशभरका सरकारी कार्यालय र शैक्षिक संस्थामा सातामा दुई दिन बिदा हुने भएको छ।...
