भीरबाट लडेर थाहामा युवकको मृत्यु

८ फागुन, हेटौंडा । मकवानपुरको थाहामा भीरबाट लडेर युवकको मृत्यु भएको छ । मृत्यु हुनेमा थाहा नगरपालिका वडा नम्बर ५ नलिबन बस्ने श्याम बहादुर पाख्रिनको ३२ वर्षीय छोरा राज कुमार पाख्रिन रहेको जिल्ला प्रहरी कार्यालय मकवानपुरले जनाएको छ।

मकवानपुर प्रहरी प्रहरी डिएसपी श्यामु अर्यालका अनुसार बुधबार राति १:५० बजे थाहा नगरपालिका-८ दामगढीबाट बिवाहको भोज खाई फर्कदै गर्दा थाहा नगरपालिका-७ भट्टीडाँडा स्थित पार्वती गोलेको खाजाघरमा चुरोट किनी सोही खाजाघर पछाडी पिसाब गर्न जादा भिरबाट अन्दाजी २ सय  मिटर तल लडी घटनास्थलमा मृत्यु भएको हो ।

घटनास्थलमा इलाका प्रहरी कार्यालय पालुङबाट प्रहरी निरीक्षक सबिन बाबु अर्यालको कमाण्डमा अनुसन्धान टोली खटी गई घटनास्थल मुचुल्का लगायतको प्रारम्भिक अनुसन्धान कार्य पुरा गरेको प्रवक्ता अर्यालले बताए ।

पाख्रीनको घटनाको सम्बन्ध थप अनुसन्धान भईरहेको प्रहरीले जनाएको छ।