१
१९ फागुन, हेटौँडा । हेटौंडा भेट्रान्स क्लवको आयोजनामा सञ्चालन हुँदै आएको राष्ट्रिय भेट्रान्स कप एट ए साइड रनिङशिल्ड फुटबल प्रतियोगिताको दशौं संस्करण यही फागुन २२ गतेबाट सुरु हुने भएको छ । प्रतियोगिताको तयारीलाई तीव्र पारिएको आयोजकले जानकारी दिएको छ ।
२२ देखि २६ गतेसम्म हेटौँडाको हुप्रचौरमा हुने प्रतियोगिताको विजेताले एकलाख ५० हजार ५५५ र उपविजेताले ७५ हजार ५५५ रुपैयाँसहित ट्रफी प्राप्त गर्नेछन् । यस्तै सर्वोत्कृष्ट खेलाडीले १० हजार तथा अन्य विधागत उत्कृष्टले जनही नगद ५ हजार रुपैयाँसहित ट्रफी प्राप्त गर्ने आयोजक हेटौंडा भेट्रान्स क्लवका अध्यक्ष रमेशकुमार उप्रेतीले जानकारी दिए ।
प्रतियोगितामा कम्तिमा १६ टिमले सहभागिता जनाउनेछ । जसमध्ये १४ टिमको पक्कापक्की भैसकेको उनले बताए । वीरगञ्ज युथ भेट्रान्स, सिमरा भेट्रान्स, चितवन भेट्रान्स, बगरभाइ खलक भेट्रान्स, एबीसी भेट्रान्स, बुटवल भेट्रान्स, थापागाउँ भेट्रान्स, किङकम भेट्रान्स, बौद्ध, फ्रिडम फाइटर, हेटौंडा भेट्रान्स, नागस्वती भेट्रान्स, बानेश्वर फ्रेण्डसिप र एनजेजे भिसी भेट्रान्सको सहभागिता पक्का भैसकेको पत्रकार सम्मेलनमा जानकारी दिइएको छ ।
प्रतियोगितामा ४५ वर्ष उमेर समूह माथिका खेलाडीहरुले मात्रै सहभागिता जनाउन पाउनेछन् । यस्ता प्रतियोगिताले पुरानो सम्बन्धलाई नविकरण गर्दै पर्यटन प्रवद्र्धनमा समेत टेवा पुग्ने प्रतियोगिता संयोजक मणिराज गौतमले बताए । यसबाट युवा पुस्ता खेलकुदमा आकर्षित समेत हुने उनको भनाई थियो । प्रतियोगिताको अघिल्लो संस्करण बानेश्वर फ्रेण्डसिप भेट्रान्सले जितेको थियो ।
Hetauda Live ले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
