१
२३ फागुन, हेटाँडा । हेटाँडामा जारी दसौँ राष्ट्रिय हेटौँडा भेट्रान्स कप एट ए साइड रनिङ शिल्ड फुटबल प्रतियोगिता अन्तर्गत शुक्रवार चार खेल सम्पन्न भएका छन् । हेटौँडा भेट्रान्स क्लबको आयोजनामा आगामी २६ गते सम्म चल्ने प्रतियोगितामा फ्रिडम फाईटर, नागस्वती, बगरभाई र किङकम क्वाटर फाइनल प्रवेश प्रवेश गरेका छन् ।
हेटौडा ४ स्थित हुप्रचौर खेलमैदानमा जारी प्रतियोगिता अन्तर्गत शुक्रवारको पहिलो खेलमा फ्रिडम फाइटर ठमेल विजयी भएको छ । फ्रिडमले चितवन भेट्रान्सलाई दुई शून्य गोल अन्तरले पराजित गरेको हो । फ्रिडमको जितका लागि राजकुमार केसी र कृष्ण मालाकारले एक÷एक गोल गरे । खेलको म्यान अफ द म्याच फ्रिडम फाइटर भेट्रान्सका खेलाडी राजकुमार केसी घोषित भए ।
शुक्रबार भएको दोस्रो खेलमा नागस्वती भेट्रान्स विजयी भएको छ । नागस्वतीले सिमरा भेट्रान्सलाई तिन शून्य गोल अन्तरले पराजित ग¥यो । नागस्वतीको तर्फबाट निमा लामाले दुई तथा प्रकाश राना मगरले एक गोल गरे । खेलको म्यान अफ द म्याच नागस्वती भेट्रान्सका खेलाडी निमा लामा घोषित भए । यस्तै शुक्रबार नै भएको तेस्रो खेलमा बगर भाईखलक पोखरा विजयी भएको छ । बगरभाई खलक र एनजेजे भीसि भेट्रान्सबीचको खेल एक एक गोलको बारबरी भएपछि निर्णयका लागि टाइब्रेकरमा धकेलिएको थियो । टाईब्रेकरमा बगरभाईले चार तिन गोल अन्तरले जित निकालेको हो ।
र शुक्रबारको चौथो तथा अन्तिम खेल किङकम भेट्रान्स काठमाडौँ र बुटवल भेट्रान्स बिच हुने तालिका भएपनि बुटवल भेट्रान्स अनुपस्थित भएपछि किङकम भेट्रान्सलाई विजेता घोषित गरियो । प्रतियोगिता अन्तर्गत शनिवार चार क्वार्टरफाइनलका खेलहरू हुने प्रतियोगीताका संयोजक मणिराज गौतमले जानकारी दिए । सयोजक गौतमका अनुसार शनिवार पहिलो खेल दिउसो १ बजे बानेश्वर भेट्रान्स र एबिसि भेट्रान्स बिच हुनेछ भने दोस्रो खेल बगर भाईखलक पोखरा र किङकम भेट्रान्स बिच दिउसो २ बजे हुने तालिका रहेको छ ।
यस्तै तेस्रो क्वाटर फाइनल खेल फ्रिडम फाइटर र नागस्वती भेट्रान्स बिच दिउसो ३ बजे हुने तालिका रहेको छ । यसै गरी चौथो खेल आयोजक हेटौडा भेट्रान्स र बौद्ध भेट्रान्स बिच हुनेछ । प्रतियोगिताको बिजेता टोलीले एक लाख ५० हजार ५ सय ५५ र दोस्रो हुने समूहले ७५ हजार ५ सय ५५ प्राप्त गर्नेछन् । यस्तै प्रतियोगिताको सवोत्कृष्ट खेलाडीले १० हजार र विधागत उत्कृष्ट हुनेहरुले जनही ५ हजार रुपैयाँ नगद पुरस्कार प्राप्त गर्ने संयोजक गौतमले बताए ।
Hetauda Live ले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
