प्रहरीद्वारा हेटौँडाबाट खैरो हिरोइन सहित ४ जना पक्राउ

२५ फागुन, हेटौँडा । मकवानपुर प्रहरीले हेटौँडाको छुट्टाछुट्टै दुईस्थानबाट अवैध लागूऔषध खैरोहिरोइनसहित ४ जनालाई पक्राउ गरेको छ । पक्राउ पर्नेमा हेटौँडा उपमहानगरपालिका १४ का १९ वर्षीय रोजल ढुङ्गाना र हेटौँडा १४ का १९ वर्षीय रोजल ढुङ्गाना र हेटौँडा १० मा कोठा भाडामा बस्दै आएकी २२ वर्षीया बिबिका लामा र एक नाबालक तथा एक नाबालिका रहेका छन् ।

प्रहरीका अनुसार हेटौँडा १० भिस्म मार्गबाट हेटौँडा १४ का १९ वर्षीय ढुङ्गानालाई खैरोहिरोइन सहित पक्राउ गरिएको हो । प्रहरीले उनको साथबाट २ वटा पुरियामा रहेको २७० मिलीग्राम खैरोहिरोइन फेला पारेको मकवानपुर प्रहरी प्रवक्ता डिएसपी श्यामु अर्यालले जानकारी दिए । वडा प्रहरी कार्यालय हेटौँडाको टोलीले बा।प्र।३–०२–०२६ प ६२७२ नम्बरको मोटरसाइकलमा रहेका ढुङ्गानालाई शंकाको आधारमा खानतलासी गर्दा लागूऔषध फेला पारेको हो ।

यस्तै प्रहरीले हेटौँडा १० स्थित आनन्द टोलबाट प्रहरीले २ ग्राम ६४० मिलीग्राम खैरोहिरोइन सहित ३ जनालाई पक्राउ गरेको छ । पक्राउ पर्नेमा हेटौँडा १० मा कोठा भाडामा बस्दै आएकी २२ वर्षीया बिबिका लामा र एक नाबालक तथा एक नाबालिका रहेका छन् । रातको समयमा लागूऔषध कारोबार भैरहेको भन्ने विशेष सूचनाको आधारमा वडा प्रहरी कार्यालय हेटौँडाको टोलीले उनीहरुलाई पक्राउ गरेको हो ।

उनीहरुको शरीर तथा कोठा खानतलासीको क्रममा लुकाएर राखेको अवस्थामा खैरोहेरोइन फेला परेको प्रहरी प्रवक्ता अर्यालले जानकारी दिए । लागूऔषधसहित पक्राउ परेका ढुङ्गानालाई ८ दिन र लामासहितका ३ जनालाई जिल्ला अदालत मकवानपुरबाट १० दिनको म्यान अनुमती लिएर थप अनुसन्धान प्रक्रिया अघि बढाइएको उनको भनाई छ ।