Day: September 12, 2025

२७ भदौ, हेटौँडा । पूर्वप्रधानन्यायाधीश सुशीला कार्कीले आज अन्तरिम मन्त्रिपरिषद्को प्रधानमन्त्रीको रूपमा शपथ ग्रहण गरेकी छन् । राष्ट्रपति रामचन्द्र पौडेलले उनलाई शीतलनिवासमा आयोजित विशेष समारोहमा शपथ ग्रहण गराएका हुन् । शपथ ग्रहण समारोहमा उपराष्ट्रपति रामसहायप्रसाद यादव, प्रधानन्यायाधीश प्रकाशमानसिंह राउत, सरकारका उच्चपदस्थ अधिकारी तथा विभिन्न मुलुकका कूटनीतिज्ञ सहभागी थिए । लामो राजनीतिक रस्साकस्सीपछि केहीबेर अघि मात्र राष्ट्रपति पौडेलले कार्कीलाई अन्तरिम मन्त्रिपरिषद्को प्रधानमन्त्रीमा नियुक्त गरेका थिए । राष्ट्रपति कार्यालयका अनुसार, नियुक्ति गर्दा संविधानको धारा ६१ को उपधारा ९३० र ९४० मा रहेको राष्ट्रपतिको संवैधानिक अधिकार प्रयोग गरिएको हो । उक्त धारामा राष्ट्रपतिले “नेपालको राष्ट्रिय एकताको प्रवर्द्धन गर्ने” र “संविधानको पालना तथा संरक्षण गर्नु प्रमुख कर्तव्य हुने” व्यवस्था छ ...

२७ भदौ, हेटौँडा । राष्ट्रपति रामचन्द्र पौडेलले पूर्वप्रधानन्यायाधीश सुशीला कार्कीलाई अन्तरिम मन्त्रिपरिषद्को प्रधानमन्त्रीमा नियुक्त गरेका छन् । जेन–जी आन्दोलनको प्रमुख मागअनुसार कार्कीलाई निर्दलिय अन्तरिम सरकारको नेतृत्व दिने निर्णय गरिएको हो । राष्ट्रपतिले यस निर्णयका लागि संविधानको धारा ६१ लाई आधार मानेका छन् । उक्त धाराको उपधारा ९४० अनुसार “संविधानको पालन र संरक्षण गर्नु राष्ट्रपतिको प्रमुख कर्तव्य हुनेछ” भनिएको छ । त्यस्तै उपधारा ९३० मा “राष्ट्रपतिले नेपालको राष्ट्रिय एकताको प्रवर्द्धन गर्नेछ” स्पष्ट उल्लेख छ । यी दुवै संवैधानिक प्रावधानलाई आधार मान्दै कार्कीलाई प्रधानमन्त्री नियुक्त गरिएको राष्ट्रपति कार्यालयले जनाएको छ । राष्ट्रपति कार्यालयका अनुसार संविधानको मर्मअनुसार मुलुकलाई स्थायित्व दिलाउन तथा संक्रमणकालीन अवस्थाबाट अघि बढाउन अन्तरिम मन्त्रिपरिषद्को गठन अपरिहार्य भएको नि...

२७ भदौ, हेटौँडा । अन्ततः लामो राजनीतिक अनिश्चिततालाई टुङ्ग्याउँदै पूर्वप्रधानन्यायाधीश सुशीला कार्कीलाई अन्तरिम सरकारको प्रमुख नियुक्त गर्ने सहमति जुटेको छ । राष्ट्रपति रामचन्द्र पौडेलले कार्कीलाई आजै प्रधानमन्त्रीमा नियुक्त गरी राति ९ बजे शपथ गराउने तयारी भएको छ । राष्ट्रपतिका प्रेस विज्ञ किरण पोखरेलका अनुसार शपथ ग्रहणका सबै तयारी पूरा भइसकेका छन् । आज बिहान नयाँ सरकार गठनबारे छलफल गर्न कार्कीसहितको टोली शीतलनिवास पुगेको थियो । सो टोलीमा जेनजी आन्दोलनका अभियन्ता तथा हामी नेपाल संस्थाका अध्यक्ष सुदन गुरुङ र अधिवक्ता ओमप्रकाश अर्याल पनि सहभागी थिए । कार्कीलाई अन्तरिम सरकारको नेतृत्व दिनेबारे सहमति भए पनि प्रतिनिधिसभा विघटन गर्ने न गर्ने विषय भने अस्पष्ट नै रहेको पोखरेलले जानकारी दिए । उनका अनुसार यसबारेको अन्तिम निर्णय कार्कीको औपचारिक नियुक्तिसँगै सार्वजनिक हुनेछ । स्रोतका अनुसार,...