१
१३ वैशाख, हेटौँडा । हेटौँडामा शनिवार विहान भएको स्कुटर दुर्घटनामा एमाले मकवानपुरका अध्यक्ष श्रीधर पोखरेल गम्भीर घाइते भएका छन् । उनको हेटौँडा अस्पतालको आइसीयु कक्षमा उपचार भइरहेको छ ।
मकवानपुर प्रहरीका अनुसार शनिबार बिहान हेटौँडा उपमहानगरपालिका वडा नम्बर ५ पुष्पलाल पार्क अगाडी एमाले पार्टी कार्यलय नजिकै दुर्घटनामा परेका थिए । कमलडाँडाबाट पार्टी कार्यलय आउने क्रममा पोखरेलले चलाएको प्र.३–०३–००१ प. ५८०७ नम्बरको स्कुटर एक्कासी अनियन्त्रित भई दुर्घटना भएको थियो । अन्दाजी ६२ वर्षीय पोखरेलको टाउकोमा चोट लागेको छ ।
उनको टाउकोमा सामान्य रगत जमेको र बाहिरी भागमासमेत चोट लागेको उपचारमा संलग्न चिकित्सकले जानकारी दिएको हेटौँडा अस्पताल विकास समितिका सदस्य उत्सव चौलगाईँले जानकारी दिए । बेहोस अवस्थामा अस्पताल पु¥याइएका अध्यक्ष पोखरेलको अहिले होस आएको चिकित्सकले जानकारी दिएको मकवानपुर प्रहरी प्रवक्ता डिएसपी श्यामु आर्यालले जानकारी दिए ।
Hetauda Live ले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
