देशभर जनै पूर्णिमा र रक्षाबन्धन पर्व मनाइँदै, तीर्थस्थलमा भक्तजनको भीड

२४ साउन, हेटौँडा । साउन शुक्ल पूर्णिमाका अवसरमा आज देशभर जनै पूर्णिमा, ऋषितर्पणी र रक्षाबन्धन पर्व धुमधामसँग मनाइँदैछ । वैदिक सनातन धर्मावलम्बीहरू बिहानै नदी, तलाउ, पोखरीमा स्नान गरेर गुरु पुरोहितमार्फत नयाँ यज्ञोपवीत ९जनै० र रक्षासूत्र धारण गर्दै छन् ।

पशुपतिनाथ मन्दिर, वसन्तपुरको अशोकविनायक, बागमती किनारलगायत उपत्यका र देशभरका मठ–मन्दिरमा भक्तजनको भीड लागेको छ । काठमाण्डौको मणिचूड, रसुवाको गोसाइँकुण्ड, ललितपुरको कुम्भेश्वर, सिन्धुपाल्चोकको पाँचपोखरी, जनकपुरको गङ्गासागर, जुम्लाको दानसाधु लगायतका तीर्थस्थलमा विहानैदेखि मेला लागेको छ ।

तराईमा भने आजकै दिन दिदीबहिनीले दाजुभाइलाई राखी बाँधेर मनाउने परम्परा छ, जसबाट आपसी प्रेम र सम्बन्ध प्रगाढ हुने विश्वास गरिन्छ ।