चुरियामाई मन्दिर नजिक यात्रुबाहक बस दुर्घटना, दुईको मृत्यु

१५ असोज, हेटौंडा । मकवानपुर र बाराको सिमानास्थित जीतपुरसिमरा उपमहानगरपालिका वडा नम्बर २२ चुरियामाई मन्दिर नजिक यात्रुबाहक बस दुर्घटना हुँदा दुई जनाको मृत्यु भएको छ ।

घटनामा दर्जनौँ घाइते भएका छन् । घाइतेमध्ये केहीको अवस्था गम्भीर रहेको बताइएको छ । घाइतेहरूलाई उपचारको लागि हेटौंडा पठाइएको छ ।

जिल्ला ट्राफिक कार्यालय बाराका प्रमुख प्रहरी निरीक्षक दिपक केसीका अनुसार जनकपुरबाट नारायणघाटतर्फ जाँदै गरेको बसको ब्रेक फेल हुँदा दुर्घटना भएको प्रारम्भिक अनुमान गरिएको छ। घटनाको पुर्ण विवरण आउन बाकी रहेको प्रहरीले जनाएको छ ।