Day: May 25, 2025

११ जेठ, हेटौँडा । नेकपा (एकीकृत समाजवादी) का केन्द्रिय उपाध्यक्ष तथा पूर्वमन्त्री डा. गङ्गालाल तुलाधरले देशमा सुशासन कायम गर्न नीतिगत परिवर्तन आवश्यक रहेको बताएका छन् । एकीकृत समाजवादी बागमती प्रदेश कमिटीद्वारा हेटौँडामा आयोजित विचार गोष्ठीलाई सम्बोधन गर्दै डा. तुलाधरले देशमा पटक–पटक शासन परिवर्तन भए पनि जनताको अवस्था उस्तै रहेको उल्लेख गरे । “राणा शासनको अन्त्य भएको दशकौं बितिसक्यो, तर आज पनि जनताले अपमानित भएर बाँच्नुपरेको अवस्था छ, जुन निकै दुःखद हो,” उनले भने, “हेटौँडाबाट धेरै क्रान्तिहरूको थालनी भएको छ – चाहे त्यो कपडा उद्योगको आन्दोलन होस् वा हालैको सिमेन्ट उद्योग र अस्पतालको पक्षमा भएको आन्दोलन ।” तुलाधरले गभर्नर नियुक्तिबारे पार्टी निर्देश अनुसार नभई व्यक्तिगत प्रभाव र धनबलका आधारमा निर्णय हुनु दुर्भाग्यपूर्ण रहेको बताए । उनले चितवन–१ बाट निर्वाचनमा पराजित विश्व पौडेललाई ग...

११ जेठ, हेटौँडा । पृथ्वीराजमार्गअन्तर्गत तनहुँको व्यास नगरपालिका वडा नम्बर ३ र ४ जोड्ने मादी नदी पुलबाट जिप खस्दा तीन जनाको ज्यान गएको छ । गएराति दमौलीबाट चापाघाटतर्फ जाँदै गरेको ग २ च ५७६० नम्बरको जिप पुलको रेलिङ भत्काएर मादी नदीमा खसेको प्रहरीले जनाएको छ । दुर्घटनामा व्यास नगरपालिका–५ का ३५ वर्षीय प्रविन थापामगर, २२ वर्षीय कुमार थापा र २० वर्षीय कुशल थापाको मृत्यु भएको हो । उनीहरूको उपचारका क्रममा दमौली अस्पतालमा निधन भएको प्रहरीले जानकारी दिएको छ । जिपमा पाँच जना सवार रहेकोमा बाँकी दुई जना घाइते भएका छन् । तीमध्ये एकको अवस्था गम्भीर रहेकोले थप उपचारका लागि पोखरा रिफर गरिएको प्रहरी निरीक्षक राजु अधिकारीले जानकारी दिए । अर्को घाइतेको दमौली अस्पतालमा उपचार भइरहेको छ । दुर्घटनापछि नेपाली सेनाको कालीभञ्जन गण, नेपाल प्रहरी र स्थानीयवासीको सहयोगमा घाइतेको उद्धार गरिएको थियो । घटनाबारे...