बकैयामा ट्याक्टर दुर्घटना ३ जनाको मृत्यु
१ पुस, हेटौँडा। मकवानपुरको बकैया गाउँपालिकामा ट्याक्टर दुर्घटना हुँदा ३ जनाको मृत्यु भएको छ । मृत्यु हुनेहरूमा बकैया गाउँपालिका वडा नम्बर ७ अधेरीका ५५ वर्षीय केशव माझी, ५५ वर्षीय युवराज माझी र ४५ वर्षीय सन्तलाल माझी रहेका छन् ।
घाइते अवस्थामै हेटौँडा अस्पताल ल्याइएका उनीहरुलाई चिकित्सकले मृत घोषणा गरेको जिल्ला प्रहरी कार्यालय मकवानपुरका प्रवक्ता डिएसपी पुष्कर बोगटीले जानकारी दिए ।
उनका अनुसार बकैया गाउँपालिका–७ अधेरीस्थित भित्री सडक खण्डमा मंगलबार दिउँसो ट्याक्टर दुर्घटना भएको थियो । लु ५ त १७४ नम्बरको ट्याक्टर अनियन्त्रित भई दुर्घटना हुँदा दुर्घटनामा परी २२ जना घाइते भएका थिए । दुर्घटनामा घाइते भएका अन्य १९ जनाको हेटौँडा अस्पताल र चुरे हिल अस्पतालमा उपचार भइरहेको छ ।...
