वडा अध्यक्ष न्यौपानेमाथी आक्रमण गर्नेलाई कारबाहीको माग
४ असार, हेटौँडा । हेटौँडा उपमहानगरपालिकाको आकस्मिक कार्यपालिका बैठकले बुधबार दिउँसो हेटौँडा १ का वडा अध्यक्ष सविन न्यौपानेमाथी भएको आक्रमणको निन्दा गर्दै दोषीमाथी कारवाहीको माग गरेको छ । बैठकले यो गैरराजनीतिक, नियोजित आक्रमण भएको ठहर गर्दै दोषीलाई तत्काल पक्राउ गरी कानुनी कारबाही गर्न माग गरेको हो ।
वडाध्यक्ष तथा नगर प्रवक्ता सविन न्यौपानेमाथि कार्यकक्षमै बुधवार दिउँसो सांघातिक आक्रमण भएको थियो । चाइना क्वाटरस्थित वडा कार्यालयमा अपरिचित ३–४ जनाको समूहले उनीमाथी कुटपिट गर्नुका साथै मोबिल छ्यापेका थिए ।
घटनाको बिषयमा बोल्दै मेयर मिना लामाले वडाध्यक्षमाथिको आक्रमण गम्भीर र आपत्तिजनक भएको बताएकी छन् । ‘समस्या समाधानका वैधानिक बाटो हुँदाहुँदै ज्यानै लिने शैलीको आक्रमण स्वीकार्य छैन ।’उनले दोषीमाथि कडा कारबाही हुनुपर्ने माग राखेकी छन् ।
कार्यपालिका बैठकपछि घटनाको बारेमा जानकारी दिँदै वड...
