Day: July 25, 2025

९ साउन, हेटौँडा । बागमती प्रदेश सरकारमा आन्तरिक शक्ति संघर्ष चुलिँदै गएको छ । शुक्रबार कांग्रेसका तर्फबाट मन्त्री रहेका चार जनाले दिएको राजीनामा स्वीकृत नगरी मुख्यमन्त्री बहादुरसिंह लामा तामाङ ले उनीहरूलाई पदमुक्त गरेका छन् । नेपालको संविधान २०७२ को धारा १६९ को उपधारा (२) को (ख) बमोजिम मुख्यमन्त्री लामाले आन्तरिक मामिला तथा कानुनमन्त्री सुरजचन्द्र लामिछाने, युवा तथा खेलकुदमन्त्री मिनकृष्ण महर्जन, संस्कृति तथा पर्यटनमन्त्री बिमल ठकुरी र सहकारी तथा गरिबी निवारणमन्त्री मदुकुमार श्रेष्ठलाई पदमुक्त गरेका हुन् । आफूलाई असहयोग गर्दै संसदीय दलको नेताविरुद्ध हस्ताक्षर गरेपछि मुख्यमन्त्री लामाले मन्त्रीहरुलाई पदबाट हटाएको उनको स्रोतको दावी छ । यसअघि शुक्रबार दिउँसो कांग्रेस संसदीय दलका नेतासमेत रहेका मुख्यमन्त्री लामालाई हटाउने पहलस्वरुप मन्त्रीहरुले राजीनामा दिएका थिए । कांग्रेस संसदीय दलका ३...

९ साउन, हेटौँडा । बागमती प्रदेशका मुख्यमन्त्री बहादुरसिंह लामा तामाङलाई कांग्रेस संसदीय दलको नेताबाट हटाउने उद्देश्यसहित पार्टीका २१ सांसदले हस्ताक्षर गर्दै अविश्वास प्रस्ताव दर्ता गरेका छन् । शुक्रबार प्रदेश सभाको दलका सचिव कृष्णकुमार तामाङसमक्ष कांग्रेस बागमती प्रदेश सभापति इन्द्रबहादुर बानियाँको अगुवाइमा अविस्वास प्रस्ताव बुझाइएको हो । संसदीय दलको अभिलेखअनुसार आर्थिक वर्ष ०८२र८३ को दर्ता नम्बर ०२ मा प्रस्ताव दर्ता भएको छ । प्रस्तावमा भनिएको छ, ‘मुख्यमन्त्री लामाको नेतृत्वमा रहँदा न प्रतिपक्षको भूमिका प्रभावकारी रहन सक्यो, न त सरकारको नेतृत्व गर्दा परिणाम देखियो। यसले पार्टीको छवि गम्भीर रूपमा धुमिल भएको छ ।’ मुख्यमन्त्री लामाको नेतृत्वका कारण सरकार तथा प्रतिपक्षमा रहँदा कांग्रेसको भूमिका कमजोर रहेको अविश्वासको प्रस्तावमा उल्लेख छ । पछिल्लोपटक फरक समीकरणमा दुईपटक सरकारमा रहेको कां...