Day: २०८२, ६ आश्विन सोमबार १४:४२

६ असोज, हेटौँडा। यात्रुबाहक सार्वजनिक गाडीमा आजदेखि ‘रुट परमिट’ अर्थात् अनुमति खुला गरिएको छ । चाडपर्वका अवसरमा देशभर सार्वजनिक यातायात सहज र अवरोधबिना सञ्चालन गर्न नेपाल यातायात व्यवसायी राष्ट्रिय महासङ्घले विशेष व्यवस्था स्वरूप रुट परमिट खुला गरेको हो । महासङ्घका अध्यक्ष विजयबहादुर स्वाँरका अनुसार अब गाडीहरू रुट नलिईकनै गन्तव्यसम्म जान पाउनेछन् । तर, विशेष कारणले कुनै बाटोमा चल्न निषेध गरिएका सवारी साधनका हकमा भने पूर्ववत् प्रतिबन्ध कायम नै रहनेछ । रुट परमिटको यो व्यवस्था आउँदो असोज २२ गतेसम्म मात्र लागू हुने स्वाँरले जानकारी दिनुभयो । साथै यात्रुहरूले सार्वजनिक गाडीमा यात्रा गर्दा अनिवार्य रूपमा टिकट लिनुपर्ने महासङ्घले स्पष्ट पारेको छ । चाडपर्वको समयमा खाद्यान्नलगायतका अत्यावश्यक वस्तुको ढुवानीलाई सहज बनाउन सरकारको निर्णयअनुसार ट्रेलरजस्ता ठूला गाडी भने आजदेखि पूर्णिमासम्म नारायण...

६ असोज, हेटौँडा। नेपालीहरुको महान् पर्व बडादशैँ आजदेखि सुरु भएको छ । असोज शुक्ल प्रतिपदादेखि पूर्णिमासम्म १५ दिनसम्म धूमधामका साथ मनाइने यस पर्वको पहिलो दिन आज घरघरमा विधिपूर्वक घटस्थापना गरिएको छ । घटस्थापनाका दिन बिहानै नित्यकर्म पूरा गरी नजिकको नदी वा चोखो स्थलबाट बालुवा वा माटो ल्याई गाईको गोबरले लिपपोत गरिएको पूजा कोठा वा दशैँ घरमा कलश स्थापनासहित देवी दुर्गाको आह्वान गरी पूजाआराधना गर्ने परम्परा छ । सो क्रममा यव ९जौ० रोपेर जमरा राख्ने गरिन्छ । यस वर्ष घटस्थापनाको साइत बिहान ९ बजेर १३ मिनेटमा परेको थियो । विजयादशमी अर्थात् १६ गतेसम्म दुर्गा देवीको पूजा आराधना गरी दशैँको अन्तिम दिन मान्यजनबाट टीका, जमरा र प्रसाद ग्रहण गर्ने चलन रहिआएको छ । दशैँ सुरु भएसँगै बजारमा किनमेल गर्ने र गाउँ फर्किनेको चहलपहल पनि बढेको छ ।...