Day: September 28, 2025

१२ असोज, हेटौंडा । कांग्रेस सभापति तथा पूर्वप्रधानमन्त्री शेरबहादुर देउवाका नातेदार भूषण राणाको घरमा प्रहरीले छापा मारेको छ। सीआईबीबाट खटिएको टोलीले स्थानीय प्रहरीको सहयोगमा ललितपुर जावलाखेलस्थित राणाको निवास घेराबन्दी गरी खानतलासी कार्य थालेको पारिवारिक स्रोतले जनाएको छ। यस क्रममा प्रहरी टोलीले घरभित्रका सामग्रीहरूको तलासी र केही बरामद गरेको बताइएको छ। भूषण राणा, निवर्तमान परराष्ट्रमन्त्री आरजु राणा देउवाका भाइ हुन्। उनीमाथि आरजु संलग्न कतिपय डिलमा प्रतिनिधिको रूपमा खटिने गरेको आरोप लाग्ने गरेको थियो। गोप्य सूचना प्राप्त भएपछि प्रहरीले छापा मारेको प्रारम्भिक जानकारी प्राप्त भएको छ ।...

११ असोज, हेटौंडा । भदौ २३ र २४ गते भएका घटनाको छानबिनका क्रममा जाँचबुझ आयोगले निवर्तमान प्रधानमन्त्री केपी शर्मा ओली र निवर्तमान गृहमन्त्री रमेश लेखकसहित पाँच जनामाथि विदेश जान रोक लगाउने निर्णय गरेको छ । आयोगका सदस्य विज्ञानराज शर्माद्वारा जारी विज्ञप्तिअनुसार, बयानका लागि जुनसुकै बेला बोलाउन सकिने भएकाले उनीहरूलाई पूर्वस्वीकृति बिना उपत्यका छाड्न समेत नपाइने व्यवस्था गरिएको छ । यो निर्णय तत्कालिन गृहसचिव गोकर्णमणि दुवाडी, तत्कालिन गुप्तचर प्रमुख हुतराज थापा र काठमाडौंका तत्कालिन प्रमुख जिल्ला अधिकारी (सिडिओ) छवि रिजालमाथि पनि लागू हुने आयोगले जनाएको छ । २३ गतेको दमनमा संलग्नताको आधारमा उनीहरू छानबिनको दायरामा तानिएका हुन् ।...

१२ असोज, हेटौंडा । धरान उपमहानगरपालिकाका मेयर हर्क साम्पाङले नयाँ राजनीतिक दल दर्ताका लागि निर्वाचन आयोगमा निवेदन दिएका छन्। आइतबार आयोगमा निवेदन परेको पुष्टि गर्दै प्रवक्ता नारायणप्रसाद भट्टराईले हर्कबहादुर राईलाई संयोजक बनाइ दल दर्ता प्रक्रिया अघि बढाइएको जानकारी दिए। उनले भने, “श्रम संस्कृति पार्टी नामको दल दर्ताका लागि निवेदन आएको छ, हाल आयोगले जाँचबुझ गरिरहेको छ।” साम्पाङ विगतमा स्वतन्त्र उम्मेदवारका रूपमा धरानका मेयर निर्वाचित भएका थिए। दल दर्ता भएमा उनको नेतृत्वमा नयाँ दल राजनीतिक गतिविधिमा औपचारिक रूपमा प्रवेश गर्नेछ।...